ءالىپبي تۇزۋدە جازارماننىڭ ساناسىنداعى ارىپتەردىڭ گرافيكالىق پورترەتتەرىنىڭ مۇمكىندىگىنشە پسيحوبەينەسىمەن ۇيلەسۋىن ەسكەرگەن ءجون. ويتكەنى ءالىپبي ەڭ الدىمەن جازۋعا جەڭىل بولۋعا ءتيىس.
جاڭا الىپبيدە ۋ، ۇ، ءۇ ءۇشىن u, ū، ü تاڭبالارى دۇرىس الىنعان.
بىرىنشىدەن، ۋ، ۇ، ءۇ دىبىستارىنىڭ ەرىندىك سيپاتى بويىنشا ورتاق بەلگىسى بار. بۇل دىبىستاردىڭ بازالىق بەينەلەرى ۇقساس u, ū، ü تاڭبالارىمەن بەرىلگەن.
ەكىنشىدەن، لاتىننەگىزدى u, ū، ü تاڭبالارى ءماتىن ىشىندە تەز تانىلادى جانە قولداعدىعا ىڭعايلى، كوزشالىمعا قولايلى.
ۇشىنشىدەن، ū-عا ماكرون ء(ارىپۇستى سىزىق) دياكريتيكالىق بەلگىسى، ال ü-گە ۋملياۋت ء(ارىپۇستى قوس نۇكتە) دياكريتيكالىق بەلگىسى قويىلعان. ماكرون بەلگىسى داۋىستىنىڭ جۋان ەكەنىن بىلدىرەدى. ال ۋملياۋت بەلگىسى داۋىستىنىڭ جىڭىشكە ەكەنىن بىلدىرەدى. بۇل دياكريتيكالىق بەلگىلەر ارقىلى اتالمىش تاڭبالاردى وڭاي اجىراتۋعا بولادى.
جاڭا الىپبيدە كيريلدەگى ى ءارپىنىڭ ورنىنا y تاڭباسى الىندى.
قازىرگى تاڭدا لاتىن ءالىپبيىن پايدالانۋشىلاردىڭ، اسىرەسە جاستاردىڭ باسىم كوپشىلىگى لاتىننەگىزدى ۋ-نى ى دەپ وقيدى. بۇل ءارىپ تە كوزتانىمعا جەڭىل بولادى دەگەن ويدامىز.
قۋانىش جۇمابەكۇلى
PhD دوكتورى، احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى
