ەلوردادا ەكى مىڭنان استام ادام ۇتىس ويىننىڭ كەزەگىنە جينالعان

2467
Adyrna.kz Telegram

ەلوردادا گۇل دۇكەنى اشىلدى. سوراقىسى، دۇكەن ۇيىمداستىرعان ۇتىس ويىنىنا جينالعان حالىقتا ەسەپ جوق. قالادا كەپتەلىس ورىن الدى، دەپ حابارلايدى "ادىرنا" ۇلتتىق پورتالى. 

ەكى مىڭنان استام ادام جينالعان ءىس شارا بارىسىن ەسىل اۋداندىق اكىمدىگى مەن پوليتسياسىنان قۇرالعان مامانداندىرىلعان توپ تەكسەرىس جۇرگىزىپ، نۇر-سۇلتان قالاسىنىڭ باس سانيتار دارىگەرىنىڭ قاۋلىسىن بۇزعانىن انىقتادى.

«ۇيلەستىرۋ ورتالىعىنىڭ اقپاراتى (شۇعىل حابارلاما) نەگىزىندە ەسىل اۋداندىق سانيتارلىق-ەپيدەميولوگيالىق باقىلاۋ ءبولىمىنىڭ ماماندارى جوسپاردان تىس تەكسەرۋ جۇرگىزدى. تەكسەرۋ بارىسىندا زاڭ بۇزۋشىلىق فاكتىسى راستالىپ، كاسىپكەرلىك سۋبەكتىسىنە قازاقستان رەسپۋبليكانىڭ اكىمشىلىك كودەكسىنىڭ 425-بابىنىڭ 1-بولىگى بويىنشا اكىمشىلىك شارالار قولدانۋ ءۇشىن 8 اقپاندا كەڭسەگە كەلۋگە شاقىرۋ قاعازى تاپسىرىلدى»، – دەدى قالالىق سانيتارلىق ەپيدەميولوگيالىق باقىلاۋ دەپارتامەنتىنىڭ وكىلدەرى.

قازىرگى تاڭدا حالىقتىڭ جاپپاي جينالۋىنا تۇرتكى بولعان دۇكەن باسشىلىعى پوليتسيا بولىمىنە جەتكىزىلدى.

پىكىرلەر