قاراعاندى وبلىسىنىڭ وساكاروۆ اۋداندىق ءماسليحاتىنىڭ توراعاسى قانات ساققۇلاقوۆ ونلاين جيىن كەزىندە ەلەكتروندى تەمەكى شەككەنى ءۇشىن اكىمشىلىك جاۋاپكەرشىلىككە تارتىلىپ، 32 437 تەڭگە ايىپپۇل تولەدى، دەپ حابارلايدى "ادىرنا".
بۇعان دەيىن الەۋمەتتىك جەلىلەردە ونىڭ قىزمەتتىك كابينەتىندە جۇمىس ۇستەلىندە وتىرىپ، بەينەبايلانىس ارقىلى وتكەن جيىنعا قاتىسىپ وتىرعان ۆيدەوسى تاراعان. كادردان ونىڭ ەلەكتروندى تەمەكى شەككەنى بايقالادى.
قاراعاندى وبلىسىنىڭ پوليتسيا دەپارتامەنتى الەۋمەتتىك جەلىلەرگە مونيتورينگ جۇرگىزۋ كەزىندە بەينەجازبانى انىقتاپ، تەكسەرۋ ۇيىمداستىرعان. ناتيجەسىندە ۆيدەوداعى ادامنىڭ وساكاروۆ اۋداندىق ءماسليحاتىنىڭ توراعاسى ەكەنى جانە ەلەكتروندى تەمەكى قولدانعانى راستالعان.
وسى ارەكەتى ءۇشىن قانات ساققۇلاقوۆقا اكىمشىلىك ايىپپۇل سالىنعان.
پوليتسيا دەپارتامەنتى لاۋازىمىنا، مارتەبەسىنە نەمەسە قوعامداعى ورنىنا قاراماستان، ءار ازامات زاڭ تالاپتارىن ساقتاۋعا مىندەتتى ەكەنىن اتاپ ءوتتى.
ۆەدومستۆو زاڭ مەن ءتارتىپ تالاپتارىنىڭ بارشاعا بىردەي قولدانىلاتىنىن ەسكە سالدى.
