Elordada gül dükenı aşyldy. Soraqysy, düken ūiymdastyrǧan ūtys oiynyna jinalǧan halyqta esep joq. Qalada keptelıs oryn aldy, dep habarlaidy "Adyrna" ūlttyq portaly.
Ekı myŋnan astam adam jinalǧan ıs şara barysyn Esıl audandyq äkımdıgı men polisiiasynan qūralǧan mamandandyrylǧan top tekserıs jürgızıp, Nūr-Sūltan qalasynyŋ bas sanitar därıgerınıŋ qaulysyn būzǧanyn anyqtady.
Qazırgı taŋda halyqtyŋ jappai jinaluyna türtkı bolǧan düken basşylyǧy polisiia bölımıne jetkızıldı.
«Üilestıru ortalyǧynyŋ aqparaty (şūǧyl habarlama) negızınde Esıl audandyq sanitarlyq-epidemiologiialyq baqylau bölımınıŋ mamandary jospardan tys tekseru jürgızdı. Tekseru barysynda zaŋ būzuşylyq faktısı rastalyp, käsıpkerlık subektısıne Qazaqstan Respublikanyŋ Äkımşılık kodeksınıŋ 425-babynyŋ 1-bölıgı boiynşa äkımşılık şaralar qoldanu üşın 8 aqpanda keŋsege keluge şaqyru qaǧazy tapsyryldy», – dedı qalalyq sanitarlyq epidemiologiialyq baqylau departamentınıŋ ökılderı.
Ūqsas jaŋalyqtar
