بەلگىلى زاڭگەر جانگەلدى سۇلەيمەنوۆ بىرىڭعاي جيناقتاۋشى زەينەتاقى قورىنىڭ ۇستىنەن سوتقا شاعىم ءتۇسىردى دەپ حابارلايدى «ادىرنا» ۇلتتىق پورتالى زاڭگەردىڭ الەۋمەتتىك جەلىدەگى جازباسىنا سىلتەمە جاساپ.
«مەن بجزق-عا تالاپ ارىز بەردىم، ويتكەنى ول ءبىزدىڭ اقشامىزدىڭ 2019 جىلعى ساپاسىز اۋديتورلىق ەسەبىن قابىلدادى. ءاۋديتتى دەلويت جۇرگىزدى.
2 اقپاندا ۆاتساپتا وتكەن العاشقى سوت وتىرىسى بولدى. بجزق سوتتا بولعان جوق. مەن بۇل تۋرالى پوست جازدىم. ال كەشە بجزق باق-قا وسىنداي حابارلاما جاريالادى
*** سوت بەلگىلەگەن ۋاقىتتا قوردىڭ وكىلدەرى online-رەجيمدە بايلانىستا بولدى. الايدا، قورعا بايلانىستى ەمەس تەحنيكالىق سەبەپتەر بويىنشا قور وكىلدەرى سوت وتىرىسىنا قوسىلماعان، بۇل تۋرالى پروتسەسكە قاتىسۋشىلاردىڭ بارلىعى حاباردار بولعان.***
بۇل تازا وتىرىك! بجزق بايلانىستا بولعان جوق! ارينە، تەحنيكالىق سەبەپتەر بولعان جوق.
بجزق-نى قوسۋ مۇمكىن بولمادى جانە ەشكىمدى حاباردار ەتپەدى. مەن ازاماتتىق ءىس چاتىنىڭ سكانەرىن كورسەتە الامىن. چاتتا مەن جانە سوت بولعانىن كورۋگە بولادى! بجزق چاتتا بولعان جوق.
وتىرىستا سۋديا مەنەن بجزق-نىڭ ۇيالى تەلەفون ءنومىرىن سۇرادى. دەمەك، سوت بجزق ءنومىرىن بىلمەدى، سوندىقتان بجزق چاتقا قوسىلا المادى جانە ول جازعانداي جەلىدە بايلانىستا بولا المادى.
بجزق اقپان ايىنىڭ پروتسەسى تۋرالى بىلگەنىن جازادى، سودان كەيىن ول سۋديا حاتشىسىمەن بايلانىسىپ، ءوزىنىڭ ۆاتساپ ءنومىرىن حابارلاۋعا مىندەتتى بولدى جانە حاتشى بجزق-نى سوتتىڭ چاتىنا ەنگىزدى. مىنە، وسىنداي وتىرىكشىلەرگە ءبىز ءوز زەينەتاقىمىزدى سەنىپ تاپسىردىق!» جەپ جازدى زاڭگەر. سونىمەن قاتار ول ءوزىنىڭ وسى سوت پروتسەسىندە جەڭىسكە جەتەرىنە دە بەك سەنىمدى.
