قوعامدىق كولىك جۇرگىزۋشىلەرى تىپ-تىنىش جۇمىس ىستەپ جۇرگەن. بىراق حالىقتىڭ قوعامدىق كولىك جۇيەسىنە كوڭىلى تولمايتىن. اۆتوبۋستار از، جارىسىپ جۇرەدى، قالا شەتىندەگىلەرى ەسكى، تاعىسىن تاعىلار.
دامۋعا قارجى كەرەك. ال قوعامدىق كولىك سالاسى شىلقىعان شىعىن. ءبىر وزگەرىستىڭ كەرەگى انىق ەدى. وزگەرىس كەلدى. Tolem جۇيەسى ەندى. ەندى قوعامدىق كولىكتەرگە كۇندەلىكتى قانشا قارجى تۇسەتىنى ايدان انىق.
بىراق ۆاليداتورلار بىرىنەن سوڭ ءبىرى ىستەن شىعا باستادى. كولىك كومپانيالارىنىڭ باسشىلارىنا تالاي ەسكەرتىلدى. بولماعان سوڭ، قاتاڭ كەلىسسوزگە كوشۋگە تۋرا كەلدى. اكىم 1 اقپاننان باستاپ، جۇيە ىستەن شىقسا، حالىقتى تەگىن تاسيتىندارىن ايتتى.
جۇرگىزۋشىلەرگە مانيوۆرعا ورىن قالمادى. Shymkent Bus-تىڭ جۇرگىزۋشىلەرى جۇمىسقا شىقپاي قالدى. وقۋشىلار ساباققا، ادامدار جۇمىسقا كەشىكتى، ناۋقاستار ەمحانالارعا جەتە المادى. نەگە؟
جۇرگىزۋشىلەر ەڭبەك اقىنىڭ ءوسۋىن تالاپ ەتەدى. دۇرىس قوي، بىراق نەگە بۇرىن تالاپ ەتپەگەن؟ تاڭمەنەن اكىمنىڭ ءوزى بارىپ، حالىققا ادال قىزمەت ەتۋگە شاقىردى. جالاقىنى ءوسىرۋدىڭ ەكى جولى بار. ءبىرىنشىسى جول اقىسىن كوتەرەسىڭ، بىراق حالىقتىڭ قالتاسى قاعىلادى. ەكىنشىسى قوعامدىق كولىك جۇيەسىن كولەڭكەدەن شىعاراسىڭ، بىراق جۇرگىزۋشىلەر تۋلاپ شىعادى.
قايسىسى ءتيىمدى؟ تۇسەتىن قارجى ايقىن بولسا، كومپانيا باسشىلارى جالاقىنى نەگە كوتەرمەسكە؟ كوتەرەدى. وزگەرىس وڭايلىقپەن كەلمەيدى. كولىك جۇيەسى وزگەرسىن دەسەك، الدىمەن جۇرگىزۋشىلەردىڭ وزدەرىنە وزگەرۋگە تۋرا كەلەدى.
شىمكەنت قالاسى اكىمىنىڭ ورىنباسارى
