Qoǵamdyq kólik júrgizýshileri typ-tynysh jumys istep júrgen. Biraq halyqtyń qoǵamdyq kólik júıesine kóńili tolmaıtyn. Avtobýstar az, jarysyp júredi, qala shetindegileri eski, taǵysyn taǵylar.
Damýǵa qarjy kerek. Al qoǵamdyq kólik salasy shylqyǵan shyǵyn. Bir ózgeristiń keregi anyq edi. Ózgeris keldi. Tolem júıesi endi. Endi qoǵamdyq kólikterge kúndelikti qansha qarjy túsetini aıdan anyq.
Biraq valıdatorlar birinen soń biri isten shyǵa bastady. Kólik kompanııalarynyń basshylaryna talaı eskertildi. Bolmaǵan soń, qatań kelissózge kóshýge týra keldi. Ákim 1 aqpannan bastap, júıe isten shyqsa, halyqty tegin tasıtyndaryn aıtty.
Júrgizýshilerge manıovrǵa oryn qalmady. Shymkent Bus-tyń júrgizýshileri jumysqa shyqpaı qaldy. Oqýshylar sabaqqa, adamdar jumysqa keshikti, naýqastar emhanalarǵa jete almady. Nege?
Júrgizýshiler eńbek aqynyń ósýin talap etedi. Durys qoı, biraq nege buryn talap etpegen? Tańmenen ákimniń ózi baryp, halyqqa adal qyzmet etýge shaqyrdy. Jalaqyny ósirýdiń eki joly bar. Birinshisi jol aqysyn kóteresiń, biraq halyqtyń qaltasy qaǵylady. Ekinshisi qoǵamdyq kólik júıesin kóleńkeden shyǵarasyń, biraq júrgizýshiler týlap shyǵady.
Qaısysy tıimdi? Túsetin qarjy aıqyn bolsa, kompanııa basshylary jalaqyny nege kótermeske? Kóteredi. Ózgeris ońaılyqpen kelmeıdi. Kólik júıesi ózgersin desek, aldymen júrgizýshilerdiń ózderine ózgerýge týra keledi.
Shymkent qalasy ákiminiń orynbasary
