كوكتەمدەگى سۋدان رەسپۋبليكا بويىنشا 276 ەلدى مەكەنگە قاۋىپ بار. بۇل تۋرالى توتەنشە جاعدايلار مينيسترلىگى حابارلادى.
ماماندار قاۋىپتىڭ الدىن الۋ شارالارىن باستاعان. وسى ماقساتقا جەرگىلىكتى بيۋدجەتتەردەن 36 ميلليارد تەڭگەدەن اساتىن قاراجات قاراستىرىلىپ وتىرعانىن جەتكىزدى، دەپ حابارلايدى “ادىرنا” ۇلتتىق پورتالى Astanatv.kz. ارناسىنا سىلتەمە جاساپ.
قازىردىڭ وزىندە زارداپ شەككەندەردى ۋاقىتشا ورنالاستىراتىن 3 مىڭنان استام پۋنكت پەن ءۇي جانۋارلارى ءۇشىن قاۋىپسىز ورىندار انىقتاعان.
"ورتالىقتاعى وبلىستار، سولتۇستىك قازاقستان وبلىسى، شىعىس قازاقستان وبلىسى جانە قىزىلوردا وبلىسىن قاۋىپتى ايماق دەپ ايتۋعا بولادى. قاۋىپتى ايماقتار سانى، بىلتىرعىمەن بىردەي. قازىر بۇل وڭىرلەردىڭ بارلىعىن باقىلاۋدا ۇستاپ وتىرمىز. ءازىر قاۋىپ جوق", - دەيدى توتەنشە جاعدايلار ءمينيسترىنىڭ ءبىرىنشى ورىنباسارى يبراگيم كۇلشىمباەۆ.
يبراگيم كۇلشىمباەۆ تاسقىنمەن كۇرەسكە 10 مىڭنان استام قۇتقارۋشى ساقاداي ساي تۇرعانىن ايتادى. ءتىپتى ءجۇزۋ قۇرالدارى، موتوپومپالار دا دايىن كورىنەدى. زارداپ شەككەن حالىقتى شۇعىل ەۆاكۋاتسيالاۋعا "قازاۆياقۇتقارۋ" تىكۇشاقتارى جۇمىلدىرىلماق.
