Kóktemdegi sýdan respýblıka boıynsha 276 eldi mekenge qaýip bar. Bul týraly tótenshe jaǵdaılar mınıstrligi habarlady.
Mamandar qaýiptiń aldyn alý sharalaryn bastaǵan. Osy maqsatqa jergilikti bıýdjetterden 36 mıllıard teńgeden asatyn qarajat qarastyrylyp otyrǵanyn jetkizdi, dep habarlaıdy “Adyrna” ulttyq portaly Astanatv.kz. arnasyna silteme jasap.
Qazirdiń ózinde zardap shekkenderdi ýaqytsha ornalastyratyn 3 myńnan astam pýnkt pen úı janýarlary úshin qaýipsiz oryndar anyqtaǵan.
"Ortalyqtaǵy oblystar, Soltústik Qazaqstan oblysy, Shyǵys Qazaqstan oblysy jáne Qyzylorda oblysyn qaýipti aımaq dep aıtýǵa bolady. Qaýipti aımaqtar sany, byltyrǵymen birdeı. Qazir bul óńirlerdiń barlyǵyn baqylaýda ustap otyrmyz. Ázir qaýip joq", - deıdi tótenshe jaǵdaılar mınıstriniń birinshi orynbasary Ibragım Kúlshimbaev.
Ibragım Kúlshimbaev tasqynmen kúreske 10 myńnan astam qutqarýshy saqadaı saı turǵanyn aıtady. Tipti júzý quraldary, motopompalar da daıyn kórinedi. Zardap shekken halyqty shuǵyl evakýaııalaýǵa "Qazavıaqutqarý" tikushaqtary jumyldyrylmaq.
