دەپۋتاتتاردى قايتا وقىتۋعا 647 ميلليون تەڭگە بولىنەدى

8757
Adyrna.kz Telegram

ءماسليحات دەپۋتاتتارىنىڭ بىلىكتىلىگىن ارتتىرۋ ءۇشىن بيۋدجەتتەن 647 ملن تەڭگە بولىنەتىن بولادى، دەپ حابارلايدى «ادىرنا» ءتىلشىسى.

بۇل تۋرالى ۇلتتىق ەكونوميكا ءمينيسترى ءماجىلىس وتىرىسىندا ايتتى. ول «بيۋدجەت ەسەبىنەن ءماسليحات دەپۋتاتتارىن دايارلاۋ، قايتا دايارلاۋ جانە كاسىبي بىلىكتىلىگىن ارتتىرۋ» قاراستىرىلاتىنىن حابارلادى.

زاڭ جوباسى «ايماقتىق، قالالىق جانە اۋىلدىق باسقارۋ دەڭگەيىندە تاۋەلسىزدىك پەن جاۋاپكەرشىلىكتى كەڭەيتۋ» ماسەلەلەرى بويىنشا تۇزەتۋلەردى رەتتەمەك.

ءماجىلىس توراعاسى نۇرلان نىعماتۋلين مينيستر جاساعان باياندامانىڭ تۇسىنىكسىز ەكەنىن اتاپ ءوتتى.

«قايتا دايارلاۋ دەگەنىمىز نە؟ ءسىز ديپلوم بەرمەكشىسىز بە؟ اقشا بەكىتىلدى. 647 ميلليون؟ نە ءۇشىن "قايتا دايارلاۋ نورماسى" تاعايىندالدى؟ بۇل نەنى بىلدىرەدى؟ جاستار ءبىر جىلدا 5-6 ديپلوم العاندى جاقسى كورەدى. وزدەرى نە ىستەگەنىن تۇسىنبەي وتىر»،-دەدى ول.

«ادىرنا» ۇلتتىق پورتالى

پىكىرلەر