ءبىر تۇندە جەتى رەت قىلمىس جاساعان 25 جاستاعى كوكشەتاۋ قالاسىنىڭ تۇرعىنى ۇستالدى، دەپ حابارلايدى «ادىرنا» ءتىلشىسى «كتك» ارناسىنا سىلتەمە جاساپ.
ول الدىمەن قالاداعى ازىق-تۇلىك دۇكەنىنىڭ تەرەزەسىندەگى تەمىر تورىن بۇزعان. نىسان يەسى ونى بايقاپ قالىپ، پوليتسياعا حابار بەرىپتى. ودان سەسكەنبەگەن جىگىت تاعى ەكى دۇكەندى توناپ ۇلگەرگەن. قۇنىققانى سونشا، بىرەۋدىڭ «شكودا» كولىگىنەن 200 مىڭ تەڭگە ۇرلاپ، تاعى ءبىر «ۆاز» كولىگىن ايداپ كەتەدى. جولدا سانتەحنيكا دۇكەنىنە تۇسپەك بولىپ، ەسىگىن بۇزا الماعان. ەسەسىنە شاشتارازعا كىرىپ، «تريممەر» ماشينكاسى مەن كىشكەنتاي تارازىنى قولدى قىلعان. اككى ۇرى تۇنگى جورىعىندا نوۋتبۋك، جەمىستەر مەن تاتتىلەردى قولدى قىلعان.
«ول وسىنشاما زاڭبۇزۋشىلىق ارەكەتتەرىنەن كەيىن قوناق ۇيگە دەمالۋعا ورالعان. سول كەزدە بۇرىن دا ءدال وسىنداي قىلمىسى ءۇشىن ءىستى بولعان جىگىتتى پوليتسەيلەر قولعا ءتۇسىردى. قازىر ۋاقىتشا تەرگەۋ اباقتىسىنا جابىلعان 25 جاستاعى جىگىتكە «بىرەۋدىڭ مۇلكىن زاڭسىز يەلەنگەنى»، «ۇرلىق جاساۋعا ۇمتىلۋ»، «ۇرلىق» باپتارىمەن سوتقا دەيىنگى تەرگەۋ باستالدى»،-دەدى اقمولا وبلىستىق پد ءباسپاسوز قىزمەتىنىڭ جەتەكشىسى گۇلنار پينچۋك.
«ادىرنا» ۇلتتىق پورتالى
