Bir túnde jeti ret qylmys jasaǵan 25 jastaǵy Kókshetaý qalasynyń turǵyny ustaldy, dep habarlaıdy «Adyrna» tilshisi «KTK» arnasyna silteme jasap.
Ol aldymen qaladaǵy azyq-túlik dúkeniniń terezesindegi temir toryn buzǵan. Nysan ıesi ony baıqap qalyp, polıııaǵa habar beripti. Odan seskenbegen jigit taǵy eki dúkendi tonap úlgergen. Qunyqqany sonsha, bireýdiń «Shkoda» kóliginen 200 myń teńge urlap, taǵy bir «VAZ» kóligin aıdap ketedi. Jolda santehnıka dúkenine túspek bolyp, esigin buza almaǵan. Esesine shashtarazǵa kirip, «trımmer» mashınkasy men kishkentaı tarazyny qoldy qylǵan. Ákki ury túngi joryǵynda noýtbýk, jemister men táttilerdi qoldy qylǵan.
«Ol osynshama zańbuzýshylyq áreketterinen keıin qonaq úıge demalýǵa oralǵan. Sol kezde buryn da dál osyndaı qylmysy úshin isti bolǵan jigitti polıeıler qolǵa túsirdi. Qazir ýaqytsha tergeý abaqtysyna jabylǵan 25 jastaǵy jigitke «Bireýdiń múlkin zańsyz ıelengeni», «Urlyq jasaýǵa umtylý», «Urlyq» baptarymen sotqa deıingi tergeý bastaldy»,-dedi Aqmola oblystyq PD baspasóz qyzmetiniń jetekshisi Gúlnár Pınchýk.
«Adyrna» ulttyq portaly
