17 جاسار قىز انتيسەپتيكتەن ۋلانىپ، قايتىس بولدى

1823
Adyrna.kz Telegram

پاۆلوداردا 17 جاسار قىز انتيسەپتيكتەن ۋلانىپ، قازا تاپتى، دەپ حابارلايدى «ادىرنا» ءتىلشىسى «Qazaqstan» ۇلتتىق ارناسىنا سىلتەمە جاساپ.

ول قيىن جاعدايعا تاپ بولعان بالالارعا كومەك بەرەتىن ايماقتىق ورتالىقتا تاربيەلەنىپ جاتقان. ونىڭ تاعى ەكى قۇربىسى اۋرۋحاناعا جەتكىزىلگەن. ولار وزدەرىنىڭ انتيسەپتيك ىشكەندەرىن ايتقان. پوليتسيا ءمان-جايدى تەكسەرىپ جاتىر.

ال، قاراعاندى وبلىسىنا قاراستى شاحان كەنتىندەگى قارتتار ۇيىندە 96 ادام كەسەلگە شالدىققان. سونىڭ 70-ءى – قاريالار بولسا، قالعان 26-سى - پەرسونال قىزمەتكەرلەرى. بارلىعىنىڭ دا جاعدايى قالىپتى،-دەيدى دارىگەرلەر. ناۋقاسپەن بايلانىستا بولعاندار انىقتالىپ، پتر سىناماسى الىندى. جالپى مەكەمە ناۋرىز ايىنان بەرى جابىق تۇردە جۇمىس ىستەۋدە. مۇندا بارلىعى 91 قارت تۇرادى.

-شاحان قالاسىنداعى مەديتسينالىق-الەۋمەتتىك مەكەمەدە كوروناۆيرۋس وشاعى انىقتالدى. پانسيوناتتا زالالسىزداندىرۋ جۇمىستارى جۇرگىزىلدى. ىندەتكە شالدىققاندار جانە ولارمەن بايلانىستا بولعانداردىڭ ءتىزىمى جاسالدى. قازىرگى ۋاقىتتا بارلىق ناۋقاس جۇقپالى اۋرۋلار اۋرۋحاناسىندا ەمدەلۋدە»،- دەدى تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتىنىڭ رەسمي وكىلى ايگۇل شاتەكوۆا.

اتىراۋ وبلىسىنداعى تەڭىز كەنىشىندە تاعى 51 جۇمىسشىنىڭ كوروناۆيرۋس جۇقتىرعانى بەلگىلى بولدى. 11 قىزمەتكەردەن كەسەلدىڭ سيمپتومدى ءتۇرى تابىلعان. ۆاحتالىق قالاشىق اۋماعىندا ورنالاسقان ستاتسيوناردا 683 ناۋقاس وقشاۋلانعان.

«باستاپقىعا قاراعاندا كاسىپورىنداعى جاعداي قازىر ءبىرشاما تۇراقتالىپ كەلەدى»،- دەيدى ماماندار.

»ادىرنا» ۇلتتىق پورتالى

 

پىكىرلەر