جازۋشى، مەملەكەتتىك سىيلىقتىڭ يەگەرى انەس ساراي دۇنيەدەن ءوتتى. قارالى حاباردى العاشقىلاردىڭ ءبىرى بولىپ قر اقپارات جانە قوعامدىق دامۋ ءمينيسترى ايدا بالاەۆا جەتكىزدى.
«بۇگىن حالقىمىزعا تانىمال دارىندى جازۋشى، زيالى ازامات، بەلگىلى قوعام قايراتكەرى انەس ساراي اعامىز ومىردەن وزدى. وكىنىشكە قاراي، ۋاقىت العا جىلجىعان سايىن الدىڭعى بۋىن اعا-اپالارىمىز ماڭگىلىك ساپارعا اتتانىپ جاتىر. ءومىر بار جەردە – ءولىم بار دەسەك تە، بۇل – ءبىر اۋلەتتىڭ عانا ەمەس، ادەبيەت سۇيەر قاۋىمى بار بۇكىل قوعام ءۇشىن ورنى تولماس اۋىر قايعى بولىپ وتىر. رۋحانيات سالاسىنا قاتىستى تالاي ىستە اعامىزدىڭ الدىن كورىپ، اعالىق اقىلىن تىڭداپ، جاقىن سىيلاستىقتا ارالاسقان ەدىك.
اعامىزدىڭ جارقىن بەينەسى مەن ادەبيەت الەمىندەگى شىعارمالارى قالىڭ وقىرمان قاۋىمنىڭ رۋحاني ولجاسىنا اينالىپ، حالىق جادىندا ماڭگى ساقتالادى.
اعامىزدىڭ قازاسىنا بايلانىستى – التىنشاش جاعانوۆا اپامىزعا جانە بارلىق اعايىن-تۋىس، جاقىندارىنىڭ قايعىلارىنا ورتاقتاسىپ، كوڭىل ايتامىن»،-دەدى ول Facebook جەلىسىندەگى رەسمي پاراقشاسىندا.
انەس تولەندىۇلى - جازۋشى، دراماتۋرگ، قازاقستاننىڭ ەڭبەك سىڭىرگەن قايراتكەرى. 1937 جىلى رەسەيدىڭ استراحان وبلىسى، ۆولودارسكي اۋدانى، كىرمالاي اۋىلىندا تۋعان. «ەگەمەن قازاقستان»، «جاس الاش» گازەتتەرىندە ادەبي قىزمەتكەر، ءبولىم مەڭگەرۋشىسى، «جازۋشى» باسپاسىندا رەداكتور، قازاقستان جازۋشىلار وداعىندا ادەبي كەڭەسشى بولىپ قىزمەت اتقارعان. ول باتىس الاشوردا تاريحىن قامتيتىن «ەدىل-جايىق» رومانىنىڭ جانە الاش كوزعالىسىنا قاتىستى دەرەكتى ماتەريالداردىڭ اۆتورى.
«ادىرنا» ۇلتتىق پورتالى
