قاراعاندىلىق پوليتسەيلەر ءىرى كولەمدە شىعىن كەلتىرىلگەن پاتەر ۇرلىعىن اشتى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
3 قاڭتار كۇنى قاراعاندى قالالىق پوليتسيا باسقارماسىنا قاراستى ورتالىق پوليتسيا بولىمىنە 27 جاستاعى قالا تۇرعىنىنان ارىز ءتۇستى. جابىرلەنۋشى ءوز ارىزىندا بەلگىسىز بىرەۋدىڭ ونىڭ پاتەرىنە ۇرلىققا ءتۇسىپ، قۇندى زاتتارىن جىمقىرىپ كەتكەنىن كورسەتكەن. قاسكوي ۇرلىققا تۇسكەن پاتەردەن قولىنا ىلىككەن ەكى ۇيالى تەلەفون مەن التىن بۇيىمداردى الىپ، وقيعا ورنىنان ءىزىن جاسىرعان. كەلتىرىلگەن شىعىن كولەمى 1,5 ميلليون تەڭگەنى قۇراعان.
اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنا (ۇرلىق) سايكەس قىلمىستىق ءىس قوزعالدى. 28 قاڭتار كۇنى جۇرگىزىلگەن جەدەل-ىزدەستىرۋ ءىس-شارالارى مەن كەشەندى جۇمىستاردىڭ ناتيجەسىندە وسى ىسكە قاتىسى بار دەگەن كۇدىكپەن 54 جاستاعى كۇدىكتى انىقتالىپ، ۇستالدى. ۇستالعان ازامات ىستەگەن ءىس-ارەكەتىن مويىندادى، ودان ايعاق زاتتار تاركىلەندى.
تەرگەۋ امالدارى جۇرگىزىلۋدە.
«ادىرنا» ۇلتتىق پورتالى
