2010-ىنشى جىل قازاقستاننان 200 000 دوللارعا پاتەر العان ادام قازىر ول پاتەردى ماكسيمۋم 120-130 مىڭ دوللارعا ساتا الادى. سول باعاعا 2010-ىنشى جىلى بارسەلونا نەمەسە دۋبايدان پاتەر العان ادام قازىر ول پاتەرىن كەمىندە 250 مىڭ دوللارعا ساتادى. پاتەر ول جىلجىمايتىن مۇلىك. جىلجىمايتىن مۇلىككە سالىنعان اقشا دا ينۆەستيتسيا. كورگەنىمىزدەي شەتەلدىك ينۆەستورلار قازاقستاننان جىلجىمايتىن مۇلىككە اقشا سالمايدى. وندا نەگە بىزدە پاتەر قىمبات دەگەن زاڭدى سۇراق تۋىندايدى. ءوز ويىمدى جازا كەتسەم.
1) ءبىرىنشى سەبەپ ول جەمقورلىق. پاتەر سالىنباي جاتىپ بىردەن جەمقورلىققا بىلىعادى. جىلۋى، ەلەكترى، رۇقسات قاعازى، اناۋسى مىناۋسىنا مەملەكەت ەسەبىنەن كاسساعا اقشا تولەنگەننەن، پارا رەتىندە ودان نەشە ەسە كوپ اقشا بىلاي بەرىلەدى. بۇل ارينە پاتەردىڭ باعاسىن قىمباتتادى.
2) جوعارىدا اتاپ ءوتتىم دەنى دۇرىس ادام مىنانداي دەۆالۆاتسياسى بار ەلگە پاتەرگە اقشا سالمايدى. اقشاڭدى دوللارمەن بانكتە ۇستاسان ودان كوپ اقشا تاباسىڭ. بىراق سوندا دا كەي ادامداردىڭ ءبىر باسىندا 100 پاتەرى بار. نەگە؟ ورتاڭقول جەمقورلار اقشالارىن قايدا تىعارىن بىلمەيدى. بانككە سالسا ءوزى سوتتالىپ كەتسە ەسەبى بۇعاتتالادى. شەتەلگە شىعارۋعا باسى جەتپەيدى. اينالىپ كەلىپ تۇعان تۋىسىنىڭ اتىنان پاتەر الا بەرەدى.
3) مەملەكەت ەسەبىنەن سالىناتىن پاتەرلەردىڭ ساپاسىزدىعى. ول دا جەمقورلىقتىڭ كەسىرى. ساپاسىز سالىنعان ۇيلەردى كوميسسيا قابىلداپ الادى. قابىلداپ الماسا پارا بەرىپ وتكىزەدى. ول پاتەرلەردىڭ ساپاسى تومەن بولعان سوڭ امال جوق جۇرتتار جەكە كومپانيادان ىزدەيدى.
4) قۇرىلىسقا قاجەت وتاندىق ءونىم از.
5.) ۇلكەن قۇرىلىس كومپانيالارىنىڭ يەلەرى كىم ەكەنى بەلگىلى. ولارعا پاتەر باعاسىنىڭ قىمبات بولعانى دۇرىس. 6.7.8 دەپ كەتە بەرۋگە بولادى.
سابيت رىسباەۆتىڭ Facebook-تاعى جازباسىنان.
