قاراعاندى وبلىسىندا كامەلەتكە تولماعان قىزدى زورلادى دەگەن كۇدىكپەن اۋىل يمامى قاماۋعا الىندى، دەپ حابارلايدى «ادىرنا» ءتىلشىسى «كتك» ارناسىنا سىلتەمە جاساپ.
تەرگەۋ مالىمەتىنشە ول مەكتەپ وقۋشىسىمەن جىنىستىق قاتىناسقا تۇسكەن. الايدا مەشىتتەگىلەر 40 جاستاعى كۇدىكتىنىڭ مۇفتياتقا قاتىسى جوعىن ايتادى.
ايتۋعا اۋىز بارمايتىن جاعداي وبلىس ورتالىعىنان شالعايداعى اۋىلدا بولىپتى. العاشقى قاۋەسەت اۋىل تۇرعىندارىنىڭ اڭىمەسىنەن تاراعان. ءتىپتى مەكتەپ وقۋشىسى يمامنان جۇكتى بولىپ، جاساندى تۇسىك تە جاساعانى تۋرالى ءسوز جەلدەي ەسكەن. وسىدان كەيىن اقپاراتتى تەكسەرۋگە اۋىلعا بارعان پوليتسەيلەر وقيعانى راستاپ، قىز زورلاۋ فاكتىسىمەن ءىس قوزعادى. قارشاداي قىزعا جىنىستىق قىلمىس جاسالعانى تۋرالى اتا-اناسى دا جاق اشپاعان. ال ءمۇفتياتتىڭ ايتۋىنشا، كۇدىكتىنىڭ ءدىني ءبىلىمى بولعانىمەن، يمامدىق سەرتيفيكات الماپتى. دەگەنمەن اۋىلداعىلار ونى ءدىني جورالعىلاردى وتكىزۋگە شاقىرىپ اۋىل مولداسىنا اينالدىرىپ العان.
«اتالعان حابارلاماعا سايكەس، قر قك 120-بابى 4-تارماعىمەن قىلمىستىق ءىس قوزعالدى. پوليتسيا قىزمەتكەرلەرىمەن اتالمىش ىسكە قاتىسى بار دەگەن كۇدىكپەن 40 جاستاعى وبلىس تۇرعىنى انىقتالىپ، ۇستالدى. وعان قاتىستى سوتپەن قاماۋعا الۋ بۇلتارتپاۋ شاراسى قابىلداندى»،-دەدى قاراعاندى وبلىستىق پد ءباسپاسوز حاتشىسى باقىتجان قۇدياروۆ.
«ادىرنا» ۇلتتىق پورتالى
