Qaraǵandy oblysynda kámeletke tolmaǵan qyzdy zorlady degen kúdikpen aýyl ımamy qamaýǵa alyndy, dep habarlaıdy «Adyrna» tilshisi «KTK» arnasyna silteme jasap.
Tergeý málimetinshe ol mektep oqýshysymen jynystyq qatynasqa túsken. Alaıda meshittegiler 40 jastaǵy kúdiktiniń múftııatqa qatysy joǵyn aıtady.
Aıtýǵa aýyz barmaıtyn jaǵdaı oblys ortalyǵynan shalǵaıdaǵy aýylda bolypty. Alǵashqy qaýeset aýyl turǵyndarynyń áńimesinen taraǵan. Tipti mektep oqýshysy ımamnan júkti bolyp, jasandy túsik te jasaǵany týraly sóz jeldeı esken. Osydan keıin aqparatty tekserýge aýylǵa barǵan polıeıler oqıǵany rastap, qyz zorlaý faktisimen is qozǵady. Qarshadaı qyzǵa jynystyq qylmys jasalǵany týraly ata-anasy da jaq ashpaǵan. Al múftııattyń aıtýynsha, kúdiktiniń dinı bilimi bolǵanymen, ımamdyq sertıfıkat almapty. Degenmen aýyldaǵylar ony dinı joralǵylardy ótkizýge shaqyryp aýyl moldasyna aınaldyryp alǵan.
«Atalǵan habarlamaǵa sáıkes, QR QK 120-baby 4-tarmaǵymen qylmystyq is qozǵaldy. Polıııa qyzmetkerlerimen atalmysh iske qatysy bar degen kúdikpen 40 jastaǵy oblys turǵyny anyqtalyp, ustaldy. Oǵan qatysty sotpen qamaýǵa alý bultartpaý sharasy qabyldandy»,-dedi Qaraǵandy oblystyq PD baspasóz hatshysy Baqytjan Qudııarov.
«Adyrna» ulttyq portaly
