ۇلىتاۋ وبلىسىندا وتكەن رەسپۋبليكالىق رەفەرەندۋم بارىسىندا ءبىر توپ مارافونشى جەزقازعان قالاسىنان ساتباەۆ قالاسىنا دەيىن جاياۋ جۇگىرىپ ءوتىپ، ازاماتتىق بەلسەندىلىكتىڭ ۇلگىسىن كورسەتتى.
سپورتشىلار بىرنەشە ونداعان شاقىرىمدى ەڭسەرىپ، ساتباەۆ قالاسىنداعى №47 رەفەرەندۋم ۋچاسكەسىنە كەلىپ، ءوز تاڭداۋلارىن جاساپ، داۋىس بەردى.
مارافونشىلاردىڭ ايتۋىنشا، بۇل باستاما – سالاۋاتتى ءومىر سالتىن ناسيحاتتاپ قانا قويماي، ەل بولاشاعىنا بەيجاي قارامايتىن ازاماتتىق جاۋاپكەرشىلىكتى كورسەتۋگە باعىتتالعان.
ولاردىڭ بۇل ارەكەتى تۇرعىندار تاراپىنان قولداۋ تاۋىپ، رەفەرەندۋمعا قاتىسۋدىڭ ماڭىزىن تاعى ءبىر مارتە ايقىنداي ءتۇستى.
ايتا كەتەيىك، ۇلىتاۋ وبلىسىندا رەفەرەندۋم ۋچاسكەلەرى تاڭعى ساعات 07:00-دەن كەشكى 20:00-گە دەيىن جۇمىس ىستەيدى. وبلىس تۇرعىندارى ماڭىزدى ساياسي ناۋقانعا بەلسەندى قاتىسىپ، ءوز تاڭداۋلارىن جاساۋدا.
