«جامبىل - قازاق-قىرعىزعا ورتاق اقىن»

2256
Adyrna.kz Telegram

بۇگىن حالىقارالىق تۇركى اكادەمياسى قىرعىز رەسپۋبليكاسىنىڭ استاناسى بىشكەك قالاسىندا  «جامبىل - قازاق-قىرعىزعا ورتاق اقىن»  اتتى القالى جيىن وتكىزدى.

تۇركى تىلدەس ەلدەر تاۋەلسىزدىگىنىڭ 30 جىلدىعىنا جانە كورنەكتى جىراۋ جامبىل جاباەۆتىڭ تۋعانىنا 175 جىل تولۋىنا وراي ۇيىمداستىرىلعان القالى باسقوسۋعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى نۇرجىگىت قادىربەكوۆ، قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا، «ماناس» جانە شىڭعىس ايتماتوۆ ۇلتتىق اكادەمياسىنىڭ پرەزيدەنت توپچۋبەك تۋرگۋناليەۆ، قىرعىز رەسپۋبليكاسى ۇلتتىق عىلىم اكادەمياسىنىڭ ش.ايتماتوۆ اتىنداعى ءتىل جانە ادەبيەت ينستيتۋتىنىڭ ديرەكتورى ابدىلداجان اكماتاليەۆ،  قىرعىز رەسپۋبليكاسى ۇلتتىق جازۋشىلار وداعىنىڭ توراعاسى نۇرلان قالىبەكوۆ، قازاقستان رەسپۋبليكاسىنىڭ ۇلتتىق عىلىم اكادەمياسىنىڭ م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، سونىمەن قاتار، قازاقستان مەن قىرعىزستاننىڭ بەلگىلى قوعام جانە مەملەكەت قايراتكەرلەرى، تانىمال تۇركىتانۋشى عالىمدار، تۇركى ەلدەرى ۇلتتىق عىلىم اكادەميالارىنىڭ جەتەكشىلەرى مەن ديپلوماتيالىق ميسسيا باسشىلارى قاتىستى.

اتالعان شارا اياسىندا قازاقشا-قىرعىزشا كىتاپتاردىڭ تۇساۋكەسەر ءراسىمى ءوتتى.

سونىمەن قاتار، القالى جيىندا اكادەميا باسشىسى دارحان قىدىرالى اباي قۇنانبايۇلى ولەڭدەرى مەن قاراسوزدەرىنىڭ قىرعىزشا اۋدارىلۋىنا ەلەۋلى ۇلەس قوسقان كەريمبەك كادىراكۋنوۆ پەن تۋگولباي كازاكوۆتى تۇركى اكادەمياسىنىڭ كۇمىس مەدالىمەن، كورنەكتى عالىم ابدىلداجان اكماتاليەۆتى اكادەميانىڭ التىن مەدالىمەن جانە بەلگىلى فولكلورتانۋشى سۋلايمان كايىپوۆتى تومسەن مەدالىمەن ماراپاتتادى.

سونداي-اق، شارا اياسىندا حالىقارالىق تۇركى اكادەمياسى مەن «ماناس» جانە شىڭعىس ايتماتوۆ ۇلتتىق اكادەمياسى اراسىنداعى ىنتىماقتاستىق تۋرالى مەموراندۋمعا قول قويىلدى.

 

ۇيىمداستىرۋشى:

حالىقارالىق تۇركى اكادەمياسى،

بايلانىس تەلەفونى 57-49-83

پىكىرلەر