Búgin Halyqaralyq Túrki akademııasy Qyrǵyz Respýblıkasynyń astanasy Bishkek qalasynda «Jambyl - qazaq-qyrǵyzǵa ortaq aqyn» atty alqaly jıyn ótkizdi.
Túrki tildes elder táýelsizdiginiń 30 jyldyǵyna jáne kórnekti jyraý Jambyl Jabaevtyń týǵanyna 175 jyl tolýyna oraı uıymdastyrylǵan alqaly basqosýǵa Halyqaralyq Túrki akademııasynyń prezıdenti Darhan Qydyráli, Qyrǵyz Respýblıkasynyń Mádenıet, aqparat jáne týrızm mınıstri Nurjigit Qadyrbekov, Qazaqstan Respýblıkasynyń Mádenıet jáne sport mınıstri Aqtoty Raıymqulova, «Manas» jáne Shyńǵys Aıtmatov ulttyq akademııasynyń prezıdent Topchýbek Týrgýnalıev, Qyrǵyz Respýblıkasy Ulttyq ǵylym akademııasynyń Sh.Aıtmatov atyndaǵy Til jáne ádebıet ınstıtýtynyń dırektory Abdyldajan Akmatalıev, Qyrǵyz Respýblıkasy Ulttyq Jazýshylar odaǵynyń tóraǵasy Nurlan Qalybekov, Qazaqstan Respýblıkasynyń Ulttyq ǵylym akademııasynyń M.O.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, sonymen qatar, Qazaqstan men Qyrǵyzstannyń belgili qoǵam jáne memleket qaıratkerleri, tanymal túrkitanýshy ǵalymdar, Túrki elderi Ulttyq ǵylym akademııalarynyń jetekshileri men dıplomatııalyq mıssııa basshylary qatysty.
Atalǵan shara aıasynda qazaqsha-qyrǵyzsha kitaptardyń tusaýkeser rásimi ótti.
Sonymen qatar, alqaly jıynda Akademııa basshysy Darhan Qydyráli Abaı Qunanbaıuly óleńderi men qarasózderiniń qyrǵyzsha aýdarylýyna eleýli úles qosqan Kerımbek Kadyrakýnov pen Týgolbaı Kazakovty Túrki akademııasynyń Kúmis medalimen, kórnekti ǵalym Abdyldajan Akmatalıevti akademııanyń Altyn medalimen jáne belgili folklortanýshy Sýlaıman Kaıypovty Tomsen medalimen marapattady.
Sondaı-aq, shara aıasynda Halyqaralyq Túrki akademııasy men «Manas» jáne Shyńǵys Aıtmatov ulttyq akademııasy arasyndaǵy yntymaqtastyq týraly memorandýmǵa qol qoıyldy.
Uıymdastyrýshy:
Halyqaralyq Túrki akademııasy,
baılanys telefony 57-49-83
