ءدارى تاپشىلىعى تاعى باستالدى ما؟

2222
Adyrna.kz Telegram

WhatsApp مەسسەندجەرىندە "الماتىداعى ءدارىحانا سورەلەرىنەن ادامدار ەمدەلمەي، ۆاكتسينا سالدىرۋى ءۇشىن قاساقانا پرەپاراتتاردى الىپ تاستاپ جاتىر" دەگەن اقپارات تارادى. قالالىق اكىمدىك بۇل حابارلاما فەيك ەكەنىن ايتتى، - دەپ حابارلايدى "ادىرنا" ۇلتتىق پورتالى  Tengrinews.kz تىلشىسىنە سىلتەمە جاساپ.

ء"بىزدىڭ دۇكەن ءدارىحانانىڭ ىشىندە. ول جەرگە انتيبيوتيك، اۋىرسىنۋدى باساتىن دارىلەردى الىپ تاستاۋ تۋرالى جوعارىدان بۇيرىق كەلگەن. بالالارعا ءدارىنى كوپتەپ الىپ قوي، اناما دا ايتتىم. ءبارىن قوراپقا جيناپ، سالىپ جاتىر، ساتپايدى. ونى كوروناۆيرۋسقا قارسى ۆاكتسينا سالۋ ءۇشىن ادەيى ىستەپ جاتىر", - دەلىنگەن اۋديودا.

ەكىنشى حابارلامادا تاعى ءبىر ايەل الماتىداعى ءدارىحانا قىزمەتكەرلەرى "سورەلەر بوس تۇرعانىن", ال دارىلەر قايدا ەكەنىن سۇراعان كەزدە "جوعارىدان بۇيرىق ءتۇستى دەپ جاۋاپ بەرگەنىن" ايتقان. حابارلامادا "بۇل ادامدار ەمدەلمەي، كوروناۆيرۋسقا قارسى ۆاكتسينا سالدىرۋى ءۇشىن جاسالىپ جاتقانى" تۋرالى ايتىلعان.

الماتى اكىمدىگىنىڭ ءدارى-دارمەكپەن قامتاماسىز ەتۋ جونىندەگى ۇيلەستىرۋشىسى زاڭعار سالىمباەۆ جەلىدە تاراعان اقپاراتقا پىكىر ءبىلدىردى.  "بۇل حابارلاما فەيك، اقپارات شىندىققا جاناسپايدى", - دەدى ول.

پىكىرلەر