WhatsApp messendjerinde "Almatydaǵy dárihana sórelerinen adamdar emdelmeı, vakına saldyrýy úshin qasaqana preparattardy alyp tastap jatyr" degen aqparat tarady. Qalalyq ákimdik bul habarlama feık ekenin aıtty, - dep habarlaıdy "Adyrna" ulttyq portaly Tengrinews.kz tilshisine silteme jasap.
"Bizdiń dúken dárihananyń ishinde. Ol jerge antıbıotık, aýyrsynýdy basatyn dárilerdi alyp tastaý týraly joǵarydan buıryq kelgen. Balalarǵa dárini kóptep alyp qoı, anama da aıttym. Bárin qorapqa jınap, salyp jatyr, satpaıdy. Ony koronavırýsqa qarsy vakına salý úshin ádeıi istep jatyr", - delingen aýdıoda.
Ekinshi habarlamada taǵy bir áıel Almatydaǵy dárihana qyzmetkerleri "sóreler bos turǵanyn", al dáriler qaıda ekenin suraǵan kezde "joǵarydan buıryq tústi dep jaýap bergenin" aıtqan. Habarlamada "bul adamdar emdelmeı, koronavırýsqa qarsy vakına saldyrýy úshin jasalyp jatqany" týraly aıtylǵan.
Almaty ákimdiginiń dári-dármekpen qamtamasyz etý jónindegi úılestirýshisi Zańǵar Sálimbaev Jelide taraǵan aqparatqa pikir bildirdi. "Bul habarlama feık, aqparat shyndyqqa janaspaıdy", - dedi ol.
