ءبىلىم جانە عىلىم ءمينيسترى اسحات ايماعامبەتوۆ نۇر-سۇلتان قالاسىندا بەلسەندى مەكتەپ مۇعالىمدەرىمەن كەزدەسۋ وتكىزدى. كەزدەسۋ بارىسىندا ءتۇرلى ۇسىنىستار ايتىلدى، – دەپ حابارلايدى «ادىرنا» ۇلتتىق پورتالى Oinet.kz تىلشىسىنە سىلتەمە جاساپ.
مينيسترمەن بولعان جيىندا ايبار ابايۇلى ەسىمدى بەلسەندى مۇعالىم مينيسترگە سىنىپ جەتەكشىلىگى ءۇشىن بەرىلەتىن اقىنىڭ كولەمىن كوبەيتۋدى سۇرادى.
«سىنىپ جەتەكشىنىڭ ەڭبەگىن 10 مىڭ تەڭگەگە باعالاۋ دۇرىس ەمەس. سىنىپ جەتەكشى ءاربىر وقۋشىمەن، ءاربىر اتا-انامەن، ءپان مۇعالىمدەرىمەن، مەكتەپ باسشىلىعىمەن سىنىپ ءۇشىن قانشاما جۇمىس جۇرگىزەدى. تاربيە ساباقتارىن ۇيىمداستىرۋ، سىنىپ ەسەبىن تاپسىرۋ ت.ب. تولىپ جاتقان جۇمىستارى بار. سىنىپ جەتەكشىنىڭ جالاقىسىن كەمى 42500-دەن 100 مىڭعا دەيىنگى ارالىقتا كوتەرۋ قاجەت»، – دەدى ايبار ابايۇلى.
مينيستر جيىنعا قاتىسقان ءار مۇعالىمدى مۇقيات تىڭداپ، سوڭىندا بىرەۋىنىڭ دە ايتقانىن قالت جىبەرمەي، جەتىك جانە ەگجەي-تەگجەيلى جاۋاپ بەردى.
