Bilim jáne Ǵylym mınıstri Ashat Aımaǵambetov Nur-Sultan qalasynda belsendi mektep muǵalimderimen kezdesý ótkizdi. Kezdesý barysynda túrli usynystar aıtyldy, – dep habarlaıdy «Adyrna» ulttyq portaly Oinet.kz tilshisine silteme jasap.
Mınıstrmen bolǵan jıynda Aıbar Abaıuly esimdi belsendi muǵalim mınıstrge synyp jetekshiligi úshin beriletin aqynyń kólemin kóbeıtýdi surady.
«Synyp jetekshiniń eńbegin 10 myń teńgege baǵalaý durys emes. Synyp jetekshi árbir oqýshymen, árbir ata-anamen, pán muǵalimderimen, mektep basshylyǵymen synyp úshin qanshama jumys júrgizedi. Tárbıe sabaqtaryn uıymdastyrý, synyp esebin tapsyrý t.b. tolyp jatqan jumystary bar. Synyp jetekshiniń jalaqysyn kemi 42500-den 100 myńǵa deıingi aralyqta kóterý qajet», – dedi Aıbar Abaıuly.
Mınıstr jıynǵa qatysqan ár muǵalimdi muqııat tyńdap, sońynda bireýiniń de aıtqanyn qalt jibermeı, jetik jáne egjeı-tegjeıli jaýap berdi.
