بويجەتكەن ءۇشىن توبەلەسىپ، وق اتقان جىگىتتەر ۇستالدى

2413
Adyrna.kz Telegram

ەلوردادا بويجەتكەن قىز ءۇشىن جانجالداسقان جىگىتتەر ءۇيدىڭ اۋلاسىندا قارۋمەن اتىسقان. بۇل تۋرالى قالالىق پوليتسيا دەپارتامەنتى ءباسپاسوز قىزمەتىنەن ءمالىم بولدى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.

«24 قاڭتاردا 102 پۋلتىنە تۇنگى ساعات 1:09 شاماسىندا 19 جانە 23 جاستاعى ەكى ەر ادام اتىس قارۋىنان العان جاراقاتپەن قالالىق اۋرۋحاناعا جەتكىزىلگەنى تۋرالى مالىمەت كەلىپ ءتۇستى. وسىعان دەيىن ءوزارا تانىس ادامدار اراسىندا قىز ءۇشىن توبەلەس بولعانى، سونىڭ سالدارىنان قارۋ قولدانىلعانى انىقتالدى»، - دەلىنگەن پوليتسيا مالىمەتىندە.

بەلگىلى بولعانداي، اتالعان جانجالعا قاتىسقان بارلىق ادامدار ۇستالىپ، «بايقوڭىر» اۋدانى پوليتسيا باسقارماسىنا جەتكىزىلدى. اتالعان فاكت بويىنشا قىلمىستىق ءىس قوزعالىپ، تەرگەۋ امالدارى ءجۇرىپ جاتىر.

«ادىرنا» ۇلتتىق پورتالى

پىكىرلەر