مادريد ورتالىعىندا جويقىن جارىلىس بولدى

1688
Adyrna.kz Telegram

مادريد قالاسىندا جويقىن جارىلىس بولدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.

توتەنشە جاعداي يسپانيا استاناسىنىڭ ورتالىعى سانالاتىن تولەدو كوشەسىندە بولعان. جارىلىس سالدارىنان عيماراتتىڭ توبەسى مەن ءتورت قاباتى قيراپ قالدى. سونداي-اق، جولدا تۇرعان كولىكتەر دە زاقىمدالعان.

قازىرگى تاڭدا وقيعا ورنىندا پوليتسيا قىزمەتكەرلەرى جۇمىس ىستەۋدە. توتەنشە جاعدايدان كەيىن كورشى عيماراتتار ەۆاكۋاتسيالاندى.

El Pais تۇسىندىرگەندەي، جارىلىس قارتتار ءۇيىنىڭ جانىنداعى ۇيدە بولعان.

سوڭعى دەرەكتەرگە سۇيەنسەك، زارداپ شەككەندەردىڭ سانى 11 ادامعا جەتكەن.

«ءۇش ادام قازا تاپتى جانە ون ءبىرى جارالاندى. ولارعا كومەك كورسەتىلدى. ناۋقاستاردىڭ ءبىرى اۋىر حالدە، ون ادامنىڭ جاراقاتى جەڭىل. ۇشەۋى اۋرۋحانالارعا جەتكىزىلدى»،-دەپ مالىمدەدى مادريد توتەنشە جاعدايلار قىزمەتى.

«ادىرنا» ۇلتتىق پورتالى

پىكىرلەر