مەن ساعان ەسىرتكى جايلى ايتىپ بەرەمىن

583

     ەسىرتكى ءسوزى گرەك تىلىنەن اۋدارعاندا ۇيقى دەگەن ماعىنانى بىلدىرەدى ەكەن. جالپى ماعىناسىن جانسىزداندىرۋ، سەزىمنەن ايىرىلۋ دەپ تۇسىنەمىن.
مەنىڭ ويلايتىنىم مۇنداي زاتتار نەگە قولجەتىمدى بولۋى. نەگە حالىق اراسىندا بۇل زاتقا قول جەتكىزۋ وڭاي؟ مۇنداي زاتتاردى ساتىپ بيزنەس كوزىنە اينالدىرعانمەن ول ءوز قانداستارىمىزدىڭ كوز جاسى عوي ...
وسى ەسىرتكىگە بايلانىستى ءبىزدىڭ سىنىپ وقۋشىلارىنا سىنىپ جەتەكشى اپايىمىز ءتۇرلى تاقىرىپتا ءىس – شارا وتكىزىپ وتىرادى.
مۇعالىم بىزگە سالاۋاتتى ءومىر ءسۇرۋ دەگەنىمىز نە؟ ول بوس ۋاقىتتى ءتيىمدى پايدالانۋ، زياندى ارەكەتتەردەن اۋلاق بولۋ، شىلىم شەكپەۋ، ناشاقورلىقتان اۋلاق بولۋ دەگەندى ۇنەمى قۇلاعىمىزعا قۇيىپ ۇيرەتۋدەن جالىققان ەمەس.
ءبىز وسىنداي ءىس – شارالاردان سوڭ « اۋىرىپ ەم ىزدەگەنشە، اۋىرمايتىن جول ىزدە» دەگەن دانىشپان حالقىمىزدىڭ ءسوزىن ويعا الامىز. سونداي – اق، ءومىرىمىزدى ۇزارتۋ دا، قىسقارتۋ دا ءوز قولىمىزدا» ەكەنىن ۇققانداي بولامىز.
ەسىرتكى كەيبىر جاستار مەن جاسوسپىرىمدەر قىزىعۋشىلىقتان نەمەسە قوبالجۋدان ، كادىمگى ومىردەگى قيىنشىلىقتان قورقىپ تاتىپ كورۋى مۇمكىن.وكىنىشكە وراي، ەسىرتكى تارتىپ ەشكىم دە اۋىرلىق پەن قايعىسىن جەڭىلدەتە المايدى عوي.
ەسىرتكى شەگىپ ءومىردىڭ اششى شىندىقتارىنان قۇتىلا المايسىڭدار دەگەن ءسوزدى اسەم اپايىمىز ءجيى ۇيرەتىپ وتىرادى.
سوندىقتان مەن جانە بىزدەر « ەسىرتكىگە قارسىمىز» ، «ناشاقورلىققا جول بەرمەيمىز» ، « ەرتەڭىڭدى ويلاساڭ، ەسىرتكىگە جولاما!» دەگەن ۇرانمەن ءومىر سۇرۋگە، اياعىمىزدى بارىنشا شالىس باسپاۋعا، ەڭبەكتەنىپ ءومىر سۇرۋگە تىرىسامىز. بارشا جاسوسپىرىمدەردى، دوستارىمىزدى تۋرا جولمەن ءجۇرىپ، باقىتتى ءومىر سۇرۋگە شاقىرامىز!

#ۋپندپكزو

قىزىلوردا وبلىسى، ارال اۋدانى

№ 72 ورتا مەكتەبى

بۇركىتوۆ ابزال نۇرلىبەكۇلى
10 – سىنىپ وقۋشىسى

پىكىرلەر
رەداكتسيا تاڭداۋى