Esirtki sózi grek tilinen aýdarǵanda uıqy degen maǵynany bildiredi eken. Jalpy maǵynasyn jansyzdandyrý, sezimnen aıyrylý dep túsinemin.
Meniń oılaıtynym mundaı zattar nege qoljetimdi bolýy. Nege halyq arasynda bul zatqa qol jetkizý ońaı? Mundaı zattardy satyp bıznes kózine aınaldyrǵanmen ol óz qandastarymyzdyń kóz jasy ǵoı ...
Osy esirtkige baılanysty bizdiń synyp oqýshylaryna synyp jetekshi apaıymyz túrli taqyrypta is – shara ótkizip otyrady.
Muǵalim bizge salaýatty ómir súrý degenimiz ne? Ol bos ýaqytty tıimdi paıdalaný, zııandy áreketterden aýlaq bolý, shylym shekpeý, nashaqorlyqtan aýlaq bolý degendi únemi qulaǵymyzǵa quıyp úıretýden jalyqqan emes.
Biz osyndaı is – sharalardan soń « Aýyryp em izdegenshe, aýyrmaıtyn jol izde» degen danyshpan halqymyzdyń sózin oıǵa alamyz. Sondaı – aq, ómirimizdi uzartý da, qysqartý da óz qolymyzda» ekenin uqqandaı bolamyz.
Esirtki keıbir jastar men jasóspirimder qyzyǵýshylyqtan nemese qobaljýdan , kádimgi ómirdegi qıynshylyqtan qorqyp tatyp kórýi múmkin.Ókinishke oraı, esirtki tartyp eshkim de aýyrlyq pen qaıǵysyn jeńildete almaıdy ǵoı.
Esirtki shegip ómirdiń ay shyndyqtarynan qutyla almaısyńdar degen sózdi Asem apaıymyz jıi úıretip otyrady.
Sondyqtan men jáne bizder « Esirtkige qarsymyz» , «Nashaqorlyqqa jol bermeımiz» , « Erteńińdi oılasań, esirtkige jolama!» degen uranmen ómir súrýge, aıaǵymyzdy barynsha shalys baspaýǵa, eńbektenip ómir súrýge tyrysamyz. Barsha jasóspirimderdi, dostarymyzdy týra jolmen júrip, baqytty ómir súrýge shaqyramyz!
#ÝPNDPKZO
Qyzylorda oblysy, Aral aýdany
№ 72 orta mektebi
Búrkitov Abzal Nurlybekuly
10 – synyp oqýshysy
