قازاقستاندىق قۇقىق قورعاۋشىلار دا ناۆالنىيدىڭ بوستاندىعىن تالاپ ەتىپ وتىر

2561
Adyrna.kz Telegram

رەسەي وپپوزيتسياسىنىڭ جەتەكشىسى جانە سىبايلاس جەمقورلىققا قارسى كۇرەسكەر بەلسەندى الەكسەي ناۆالنىيدى كەشە شەرەمەتەۆو اۋەجايىندا رەسەي ارناۋلى ورگان قىزمەتكەرلەرى (فسين) قولدان جاسالعان وتىرىك ايىپتاۋلار نەگىزىندە ۇستاپ،قاماققا العان بولاتىن.

ساراپشىلاردىڭ پىكىرىنشە الەكسەي ناۆالنىيعا قاتىستى ادىلەتسىز جانە ساياسي استارى بار بارلىق ءىس-ارەكەت، بەلگىلى وپپوزيتسياشىل تۇلعانى ساياساتتان مەيلىنشە الاستاتۋعا باعىتتالعان.

ناۆالنىيدى ۇستاۋ مەن ونىڭ الداعى وتەتىن سوت پروتسەسى ءسوزسىز اۋىر زارداپتارعا الىپ كەلەدى، ويتكەنى ول قازىرگى رەسەيدەگى ساياسي وپپوزيتسيانىڭ ءىرى جەتەكشىلەرىنىڭ ءبىرى. ونىڭ تۇرمەگە جابىلۋى رەسەيدەگى نارازىلىق قوزعالىسىنا قاتىسقاندار نەمەسە قاتىسقىسى كەلەتىندەردىڭ ءبارىن قورقىتۋ-ۇركىتۋ ءۇشىن سىلتاۋ عانا بولىپ تابىلادى.
رەسەيدەگى بەدەلدى زاڭگەرلەردىڭ پىكىرى بويىنشا، ا.ناۆالنىي بايلانىستى بىرقاتار پروتسەسسۋالدىق زاڭ بۇزۋشىلىقتارعا جول بەرىلگەن.

پۋتين بيلىگى ناۆالنىيعا ءبىرىنشى رەت قىسىم كورسەتىپ وتىرعان جوق. 2012 جىلى 6 مامىردا بولوتنايا الاڭىنداعى اتىشۋلى وقيعالار كەزىندە ا.ناۆالنىي پوليتسيانىڭ ءىس-ارەكەتتەرىنە قارسىلىق كورسەتتى دەگەن ايىپپەن 15 تاۋلىككە قاماۋعا الىندى جانە حالىقارالىق امنيستيا ۇيىمى ونى ار-وجدان تۇتقىنى دەپ تانىدى.

الەكسەي ناۆالنىي ءوزى باسقاراتىن جەمقورلىققا قارسى كۇرەس قورىندا (فبك) رەسەيدىڭ ءىرى شەنەۋنىكتەرىنىڭ زاڭسىز مۇلىكتىك اكتيۆتەرى مەن حالىقتان ۇرلانعان قارجىنى ۇنەمى مەديا كوزدەرىندە ۇزدىكسىز جاريالاپ كەلەدى. وسى ورايدا ا.ناۆالنىي سياقتى بەلگىلى ساياساتكەردى قازاقستاندىق قۇقىق قورعاۋشىلار مەن ازاماتتىق قوعام وكىلدەرى بۇۇ ادام قۇقىقتارى جونىندەگى جوعارعى كوميسسارىنا وسى زاڭسىز پروتسەستى ادام قۇقىقتارى نورمالارى تۇرعىسىنان، ياعني قوعامدىق ءجىتى باقىلاۋ تۋرالى سۇراپ، وتىنەدى.

پەتيتسياعا قول قويىڭىز، رەسەيدەگى ۆ.پۋتين رەجيمىنىڭ قۇربانى ساياساتكەر الەكسەي ناۆالنىيعا بوستاندىق!

 

"دەموس" قب توراعاسى
قۇسايىنوۆ تۇراربەك

پىكىرلەر