شىمكەنت قالاسىندا ايەلدى وڭباي سوققىعا جىققان ەر ازامات اۋىر جازادان قۇتىلىپ كەتتى، دەپ حابارلايدى «ادىرنا» ءتىلشىسى. بۇل تۋرالى "نە مولچي" قوعامدىق قورى مالىمدەدى.
«شىمكەنتتە ەلدى ءدۇر سىلكىندىرەتىن ۇكىم شىعارىلدى. قىلمىسكەر اۋىر جازادان قۇتىلدى. ءبىز ءىستى قايتا قاراۋدى تالاپ ەتەمىز!»-دەپ جازدى قور مۇشەلەرى.
ولاردىڭ ايتۋىنشا، قىلمىسكەر بار-جوعى 1 جىلعا باس بوستاندىعىنان ايىرىلعان.
«مەيرامحان قۋاندىقۇلى الىپباەۆ كىنالى دەپ تانىلسىن. قازاقستان رەسپۋبليكاسى قىلمىستىق كودەكسىنىڭ 1-ءبولىمىنىڭ 107-بابى بويىنشا (دەنساۋلىققا قاساقانا اۋىرلىعى ورتاشا زيان كەلتiرۋ – رەد.) قىلمىستىق قۇقىق بۇزۋشىلىق جاسالعان كۇننەن باستاپ ءۇش جۇمىس كۇنى ىشىندە جازا تاعايىندالسىن. قىلمىستىق كودەكستىڭ 3-1 تارماعىنىڭ 62-بابىنا سايكەس، سوتتالعان الىپباەۆ مەيرامحان باس بوستاندىعىن شەكتەۋ تۇرىندەگى جازا مەرزىمىنە، كۇزەتپەن ۇستاۋ ۋاقىتى ەكى كۇن ءۇشىن ءبىر كۇن ەسەبىمەن، ياعني 2020 جىلعى 11 ماۋسىمنان باستاپ 2020 جىلعى 27 جەلتوقسانعا دەيىن ەسەپتەلسىن جانە باس بوستاندىعىن شەكتەۋ وتەلدى دەپ ەسەپتەلسىن»،-دەلىنگەن سوت شەشىمىندە.
ايتا كەتەيىك، قىلمىس 26 مامىردا جاسالدى. جابىرلەنۋشىنىڭ جاعى مەن قابىرعاسى سىنىپ، ميى قاتتى شايقالعان بولاتىن.
«ادىرنا» ۇلتتىق پورتالى
