Shymkent qalasynda áıeldi ońbaı soqqyǵa jyqqan er azamat aýyr jazadan qutylyp ketti, dep habarlaıdy «Adyrna» tilshisi. Bul týraly "Ne molchı" qoǵamdyq qory málimdedi.
«Shymkentte eldi dúr silkindiretin úkim shyǵaryldy. Qylmysker aýyr jazadan qutyldy. Biz isti qaıta qaraýdy talap etemiz!»-dep jazdy qor músheleri.
Olardyń aıtýynsha, qylmysker bar-joǵy 1 jylǵa bas bostandyǵynan aıyrylǵan.
«Meıramhan Qýandyquly Álipbaev kináli dep tanylsyn. Qazaqstan Respýblıkasy Qylmystyq kodeksiniń 1-bóliminiń 107-baby boıynsha (densaýlyqqa qasaqana aýyrlyǵy ortasha zııan keltirý – red.) qylmystyq quqyq buzýshylyq jasalǵan kúnnen bastap úsh jumys kúni ishinde jaza taǵaıyndalsyn. Qylmystyq kodekstiń 3-1 tarmaǵynyń 62-babyna sáıkes, sottalǵan Álipbaev Meıramhan bas bostandyǵyn shekteý túrindegi jaza merzimine, kúzetpen ustaý ýaqyty eki kún úshin bir kún esebimen, ıaǵnı 2020 jylǵy 11 maýsymnan bastap 2020 jylǵy 27 jeltoqsanǵa deıin eseptelsin jáne bas bostandyǵyn shekteý óteldi dep eseptelsin»,-delingen sot sheshiminde.
Aıta keteıik, qylmys 26 mamyrda jasaldy. Jábirlenýshiniń jaǵy men qabyrǵasy synyp, mıy qatty shaıqalǵan bolatyn.
«Adyrna» ulttyq portaly
