ارمەنيا پرەمەر-ءمينيسترىنىڭ ءباسپاسوز حاتشىسى مانە گەۆوركيان 11 قاڭتاردا ماسكەۋدە ارمەنيا، رەسەي جانە ءازىربايجان باسشىلارىنىڭ كەلىسسوزدەرىنىڭ كۇن ءتارتىبى ەكونوميكالىق سيپاتتا ەكەنىن ايتتى دەپ حابارلايدى «ادىرنا» ۇلتتىق پورتالى سپۋتنيك-ارمەنيا سايتىنا سىلتەمە جاساپ. اۋماقتىق ماسەلەلەر بويىنشا ەشقانداي قۇجاتقا قول قويىلمايدى دەپ كۇتىلۋدە.
"الايدا ارميان تاراپى ءۇشىن تۇتقىنداردىڭ، بارىمتالاردىڭ جانە ۇستالۋشى ادامداردىڭ تولىققاندى الماسۋى، سونداي-اق ۇرىس قيمىلدارى ايماعىندا ىزدەستىرۋ-قۇتقارۋ جۇمىستارىنىڭ اۋقىمىن كەڭەيتۋ ىرگەتاسى بولىپ قالا بەرەدى. بۇل ماسەلەنى شەشپەي، كەز - كەلگەن ەكونوميكالىق كۇن ءتارتىبىن تالقىلاۋ قيىن بولادى، ال ارميان تاراپى بۇل ماسەلەنى ماسكەۋ كەزدەسۋىنىڭ باستى تاقىرىپتارىنىڭ ءبىرى دەپ سانايدى", - دەپ جازادى ول.
ونىڭ ايتۋىنشا، كەيبىر ءازىربايجان مەن ارميان توپتارى "مەگرين ءدالىزى" دەپ اتالاتىن تاقىرىپتى ۇنەمى ناسيحاتتايدى، بىراق 9 قاراشاداعى بىرلەسكەن مالىمدەمەدە ارمەنيا اۋماعىندا كەز-كەلگەن ءدالىز قۇرۋ تۋرالى تارماق جوق.
گەۆوركيان سونىمەن قاتار ەگەر جوعارىدا اتالعان بارلىق ماسەلەلەر بويىنشا كەلىسىمگە قول جەتكىزىلسە، وندا كەزدەسۋدىڭ ناتيجەلەرى تۋرالى بىرلەسكەن مالىمدەمە قابىلدانۋى مۇمكىن ەكەنىن ايتادى.
فوتو اشىق دەرەككوزدەن الىندى.
