Armenııa Premer-Mınıstriniń baspasóz hatshysy Mane Gevorkıan 11 qańtarda Máskeýde Armenııa, Reseı jáne Ázirbaıjan basshylarynyń kelissózderiniń kún tártibi ekonomıkalyq sıpatta ekenin aıtty dep habarlaıdy «Adyrna» ulttyq portaly Spýtnık-Armenııa saıtyna silteme jasap. Aýmaqtyq máseleler boıynsha eshqandaı qujatqa qol qoıylmaıdy dep kútilýde.
"Alaıda armıan tarapy úshin tutqyndardyń, barymtalardyń jáne ustalýshy adamdardyń tolyqqandy almasýy, sondaı-aq urys qımyldary aımaǵynda izdestirý-qutqarý jumystarynyń aýqymyn keńeıtý irgetasy bolyp qala beredi. Bul máseleni sheshpeı, kez - kelgen ekonomıkalyq kún tártibin talqylaý qıyn bolady, al armıan tarapy bul máseleni Máskeý kezdesýiniń basty taqyryptarynyń biri dep sanaıdy", - dep jazady ol.
Onyń aıtýynsha, keıbir Ázirbaıjan men armıan toptary "Megrın dálizi" dep atalatyn taqyrypty únemi nasıhattaıdy, biraq 9 qarashadaǵy birlesken málimdemede Armenııa aýmaǵynda kez-kelgen dáliz qurý týraly tarmaq joq.
Gevorkıan sonymen qatar eger joǵaryda atalǵan barlyq máseleler boıynsha kelisimge qol jetkizilse, onda kezdesýdiń nátıjeleri týraly birlesken málimdeme qabyldanýy múmkin ekenin aıtady.
Foto ashyq derekkózden alyndy.
