اناسىنا قول كوتەرگەن ازاماتتىڭ ۆيدەوسى جەلى قولدانۋشىلارىنىڭ اشۋىن تۋدىردى، دەپ حابارلايدى «ادىرنا» ءتىلشىسى. وقيعا تۇركىستان وبلىسىندا بولعان.
بەلگىلى زاڭگەر ايگۇل ورىنبەك العاشقىلاردىڭ ءبىرى بولىپ Instagram جەلىسىندەگى رەسمي پاراقشاسىندا بەينەجازباعا قاتىستى پىكىر قالدىردى.
«ءتۇن ۇيقىسىن تاياق جەۋ ءۇشىن بولگەن انا. تۇركىستان قالاسىندا بولعان مىنا وقيعانى كورىپ جۇرەگىم اۋىرىپ وتىر. رۋحاني استانامىزدا تەرىس دىنگە كىرىپ، اناسىنا، ايەلىنە قول كوتەرىپ، بالالارىن ۇرىپ-سوعىپ، قورقىتىپ ناماز وقىتاتىن وتباسىلاردىڭ اراسىندا ويران بولعاندارى قانشاما؟ مەنىڭ وزىمە ناقتى سوڭعى ەكى جىلدا شاعىمدانىپ كەلگەندەر سانى ون شاقتى. ايەلىن توقپاقتاپ ۇرىپ، ودان اناسىنا قول كوتەرۋ، بۇل ەندى شەكتەن شىعۋ! يسلام بۇنداي زۇلىمدىققا تاربيەلەمەيدى. اداسقان جولىڭدى تابۋ وڭاي، جارالانعان انا جۇرەگىن نە ىستەيمىز؟»-دەدى ول.
«ادىرنا» ۇلتتىق پورتالى
