«Nur Otan» وڭىرلەردەگى سايلاۋالدى ۇگىتتى-ناسيحات جۇمىستارىن اياقتادى. ءبىر ايعا تاياۋ ۋاقىتتا «Nur Otan»-نىڭ رەسپۋبليكالىق سايلاۋالدى شتابى ەلىمىزدىڭ بارلىق 17 ءوڭىرىن ارالادى.
ءار قالا مەن اۋداندا پارتيا وكىلدەرى جاستارمەن، كاسىپكەرلەرمەن، دارىگەرلەرمەن، مۇعالىمدەرمەن، زەينەتكەرلەرمەن، جۇمىسشىلارمەن، اگرارشىلارمەن، زيالىلارمەن كەزدەسىپ، وزەكتى ماسەلەلەردى تالقىلادى. پارتيانىڭ كوزدەگەن ماقساتىن، العا قويعان مىندەتتەرىنىڭ ورىندالۋىنا قانداي كەپىلدىكتەر بەرەتىنىن ءتۇسىندىردى.
«Nur Otan»-نىڭ ۇگىت-ناسيحات جۇمىستارى دابىرا-داقپىرتسىز، مازمۇندى دا قارقىندى ءوتتى. 7 ميلليون سايلاۋشىنى قامتىپ، 28 مىڭنان استام ءىس-شارا ۇيىمداستىرىلدى. ولاردىڭ ءبارى بۇقارالىق ءىس-شارالار ەمەس – ناقتى ادامدارمەن وزەكتى ماسەلەلەردى تالقىلاۋعا ارنالعان تاقىرىپتىق كەزدەسۋلەر. ۋاقىتىمىزدىڭ 80%-ءىن ازاماتتاردىڭ ساۋالدارىنا جاۋاپ بەرۋگە ارنادىق»، - دەدى سايلاۋالدى شتاب جەتەكشىسى باۋىرجان بايبەك.
ونىڭ ايتۋىنشا، «ەسىكتەن ەسىككە» اكتسياسى اياسىندا جاسوتاندىقتار 1,4 ملن. ءۇي مەن پاتەرلەردى ارالاپ، 6,2 ملن. ۇگىت ماتەريالدارىن تاراتقان. وڭىرلەردە قوعامدىق قابىلداۋلار قىزۋ جۇمىس ىستەپ، 95 مىڭنان استام ءوتىنىش ءتۇستى. ولاردىڭ ۇشتەن ءبىرى – ۇسىنىستار مەن اماناتتار.
بۇگىن رەسپۋبليكالىق سايلاۋالدى شتاب مۇشەلەرى ەلوردا تۇرعىندارىمەن جۇزدەستى.
اتاپ ايتقاندا، «استانا – جاڭا قالا» ەەا يندۋستريالدىق پاركى كاسىپورىندارىنىڭ باسشىلارىمەن جانە «Modex Astana» ءمودۋلدى ءۇي سالۋ زاۋىتىنىڭ ۇجىمىمەن كەزدەسۋدە پارتيانىڭ سايلاۋالدى باعدارلاماسى اياسىندا قالانى دامىتۋدىڭ نەگىزگى باعىتتارىن تانىستىردى.
الداعى 5 جىلدا ەلوردادا الەۋمەتتىك مۇقتاج ازاماتتارعا 50 مىڭ پاتەر بەرۋ ۇسىنىلىپ، 10 ملن. شارشى مەتر تۇرعىن ءۇي سالۋ جوسپارلانۋدا. سونداي-اق، 50 جاڭا مەكتەپ سالۋ جانە 250 كوشەگە جوندەۋ جۇرگىزۋ كوزدەلىپ وتىر. قالا شەتىندەگى 20 مىڭ ءۇيدى گازداندىرۋ قولعا الىنادى.
بۇدان كەيىن پارتيا مۇشەلەرى «نازارباەۆ ۋنيۆەرسيتەت» عالىمدارىمەن جانە «Jas Otan» بەلسەندىلەرىمەن كەزدەسۋ وتكىزدى.
«مەملەكەت باسشىسى قاسىم-جومارت توقاەۆ كۇنى كەشە عانا جارىق كورگەن «تاۋەلسىزدىك بارىنەن قىمبات» ماقالاسىندا «جاستار – قاشاندا تىڭ يدەيالاردىڭ قاينار كوزى، وڭ وزگەرىستەردىڭ قوزعاۋشى كۇشى» دەپ اتاپ وتكەن بولاتىن. وسىعان وراي پرەزيدەنت باستاماسىمەن تالانتتى جاستاردى قولداۋ ماقساتىندا «تاۋەلسىزدىك ۇرپاقتارى» گرانتى تاعايىندالادى. سونداي-اق، ەلباسى، پارتيا ليدەرى نۇرسۇلتان نازارباەۆتىڭ تاپسىرماسىمەن جوعارى ءبىلىم الۋ گرانتتارىن 50%-كە كوبەيتۋ كوزدەلىپ وتىر. جىل سايىن 75 مىڭ جاس قازاقستاندىق تەگىن جوعارى ءبىلىم الۋ مۇمكىندىگىنە قول جەتكىزەدى. كوللەدجدەر مەن ۋنيۆەرسيتەتتەردىڭ جاتاقحانالارىندا كەم دەگەندە 50 مىڭ جاڭا ورىن پايدالانۋعا بەرىلەدى»، - دەدى پارتيا توراعاسىنىڭ ءبىرىنشى ورىنباسارى.
180 كوللەدجدىڭ ماتەريالدىق-تەحنيكالىق بازاسىن جاڭارتۋ شارالارى جۇزەگە اسىرىلادى. ستۋدەنتتەر ستيپەندياسى 2 ەسە، ماگيسترانتتار مەن دوكتورانتتاردىكى – 1,5 ەسە وسەدى. «نازارباەۆ ۋنيۆەرسيتەت» ۇلگىسى بويىنشا 2 وڭىرلىك جوعارى وقۋ ورنىن سالۋ جوسپارلانۋدا.
عىلىمدى قولداۋ مەن زياتكەرلىك الەۋەتتى دامىتۋ ماقساتىندا جاس عالىمدارعا جىل سايىن 1000 گرانت بولىنەدى. سونىمەن بىرگە جىل سايىن الەمنىڭ جەتەكشى عىلىمي ورتالىقتارىنا 500 قازاقستاندىق عالىم تاعلىمداماعا جىبەرىلەدى.
ءباسپاسوز قىزمەتىنىڭ حابارلاۋىنشا، پارتيانىڭ سايلاۋالدى باعدارلاماسى 255 ناقتى شارا مەن 160 ينديكاتوردان تۇرادى، ولاردىڭ ءبارى جان-جاقتى ەسەپتەلگەن، قارجىلىق جانە ناقتى رەسۋرستارمەن قامتاماسىز ەتىلگەن.
«قۇرمەتتى قازاقستاندىقتار! ءبىز الەۋمەتتىك ءال-اۋقاتتى ارتتىرۋعا، بيزنەستى قولداۋعا، سونداي-اق ەكونوميكادا جاڭا ينفراقۇرىلىمدى قۇرۋعا، وڭىرلەردى دامىتۋعا جانە اۋىلداردى جاڭعىرتۋعا باعىتتالعان وزگەرىستەر جولىن ۇسىنىپ وتىرمىز. كوروناۆيرۋس جاعدايىنداعى داعدارىستا تەك «Nur Otan» عانا ادامداردىڭ كوڭىلىنە سەنىم ۇيالاتىپ، ناقتى ىستەرمەن قيىندىقتى ەڭسەرۋدىڭ جولىن كورسەتۋدە. ءبىز مۇعالىمدەر مەن دارىگەرلەردىڭ جالاقىسىن، ستۋدەنتتەردىڭ ستيپەندياسىن كوتەرەمىز، زەينەتاقى مەن الەۋمەتتىك جاردەماقىلاردى يندەكساتسيالايمىز، جاڭا مەكتەپتەر، اۋرۋحانالار مەن جولدار سالامىز، جاڭا جۇمىس ورىندارىن اشامىز. ماقساتى ايقىن، ناقتى ىستەر پارتياسى – «Nur Otan»-عا داۋىس بەرىڭىزدەر!»،- دەپ تۇيىندەدى باۋىرجان بايبەك.
