“Adal” پارتياسى 12 ساعاتتىق ءۇزىلىسسىز تىكەلەي ەفير وتكىزەدى

2259
Adyrna.kz Telegram

قازاقستانداعى پارلامەنتتىك سايلاۋ تاريحىندا تۇڭعىش رەت بۇگىن دەپۋتاتتىققا ۇمىتكەرلەردىڭ 12 ساعاتتىق تىكەلەي ەفيرى جۇرگىزىلۋدە.

 

«ADAL»  پارتياسى سايلاۋ الدىنداعى جارىستىڭ سوڭعى ۇگىت كۇنىن وسىلاي وتكىزەدى.

«ADAL» پارتياسىنىڭ ينستاگرام مەن فەيسبۋكتەگى رەسمي پاراقشالارىندا، سونداي-اق Youtube-كانالىندا ءۇزىلىسسىز تىكەلەي ەفير 8 قاڭتاردا ساعات 12.00-دەن 23.59-عا دەيىن ۇيىمداستىرىلدى. وسىلايشا، تىكەلەي ەفير باق پەن ينتەرنەتتە كەز-كەلگەن ۇگىت ماتەريالدارىن جاريالاۋعا تىيىم سالىنعان «تىنىشتىق كۇنى» دەپ اتالاتىن كۇن باستالۋعا ءبىر مينۋت قالعاندا اياقتالادى.

تىكەلەي ەفيردى ءماجىلىس دەپۋتاتتىعىنا ۇمىتكەرلەر ماقسات تولىقباي، داۋلەت مۇقاەۆ، ولجاس ورداباەۆ، الماسبەك سادىرباەۆ، لاۋرا ماليكوۆا، اقمارال بەكمۇرزاەۆا، الينا اسقاروۆا جانە پارتيا وكىلدەرى نۇرلىبەك مۇقانوۆ، انۋار كەرەمباەۆ جۇرگىزەدى.

ۇمىتكەر ماقسات تولىقباي بىزگە تىكەلەي ەفير كەزىندە نە تۋرالى ايتىلعانىن ايتىپ بەردى: «ADAL»-دان ءماجىلىس دەپۋتاتتىعىنا 16 ۇمىتكەر، سونداي-اق بارلىق دەڭگەيدەگى ماسليحاتتارعا 537 ۇمىتكەر ءبىر ايعا جۋىق ۋاقىت بويى ۇگىت-ناسيحات جۇمىستارىن جۇرگىزدى. بۇل ەلدىڭ 22 قالاسى مەن 163 اۋىلدىق ايماعىندا 4918 كەزدەسۋدى قامتىدى. كەزدەسۋلەرگە 138856 ازامات قاتىستى. ءبىزدىڭ، ارينە، سايلاۋشىلارمەن ايتاتىن جانە بولىسەتىن نارسەلەرىمىز بار. ەفيردە پارتيانىڭ قۇندىلىقتارى، پارتيا باعدارلاماسىنىڭ نەگىزگى مىندەتتەرى تۋرالى ايتامىز. ءبىز تۇرعىنداردان كەلىپ تۇسكەن سۇراقتارعا جاۋاپ بەرۋگە، وزەكتى ماسەلەلەردى تالقىلاۋعا ەرەكشە نازار اۋدارامىز».

ونىڭ ايتۋىنشا، ەل تۇرعىندارى ءتۇرلى سۇراقتار قويىپ، ءتۇرلى وتىنىشتەر جاسايدى. - بىرەۋ جالاقىنىڭ ازدىعىنا، تۇرعىن ءۇيدىڭ جوقتىعىنا، اۋىز سۋعا جانە جۇمىسسىزدىققا شاعىمدانادى. ال بىرەۋ ءبىلىم بەرۋدى، دەنساۋلىق ساقتاۋدى جاقسارتۋ تۋرالى ايتادى.كۇن سايىن ءبىز ازاماتتاردىڭ پارتياعا كىرۋگە دەگەن ۇمتىلىسى تۋرالى وتىنىشتەر اعىمىن تىركەيمىز: قالالار مەن اۋىلداردا ورنالاسقان 3000 قوراپقا كەزدەسۋلەردىڭ ناتيجەلەرى بويىنشا 177 مىڭنان استام وتىنىشتەر كەلىپ ءتۇستى. 69 مىڭنان استام ءوتىنىش adalpartiyasy.kz سايتىنا ءتۇستى. ناتيجەسىندە ءبىز، پارتيا مۇشەلەرى، 300 مىڭنان اسىپ كەتتىك, - دەيدى ماقسات تولىقباي.

تىكەلەي ەفير سپيكەرلەرى اتاپ وتكەندەي، قازاقستان حالقى ايتقان تىلەكتەر پارتيانىڭ adalpartiyasy.kz سايتىندا كورسەتىلگەن ءار ايماقتىڭ پروبلەمالىق ماسەلەلەرىنىڭ كورىنىسى بولىپ تابىلادى

مۇندا ولار قالالار مەن اۋىلدار بويىنشا ۇسىنىلعان.سونىمەن قاتار، ۆەب-سايتتا ءسىز ەلدەگى ءار ەلدى مەكەننىڭ بيۋدجەتىن كورە الاسىز.

 

 

انىقتاما

2013 جىلى قازاقستاندا «بىرلىك» ساياسي پارتياسى قۇرىلدى. پارتيا توراعاسى سەرىك سۇلتانعالي.

2020 جىلدىڭ 5 قاراشاسىندا «بىرلىك» ءوز اتاۋىن «ADAL» دەپ وزگەرتتى (قاز. «ادال» - «ادالدىق»).

پارتيانىڭ ساياسي كەڭەسىنىڭ مۇشەلەرى:

سەرىك سۇلتانعالي، ەلدار جۇماعازيەۆ، ارداق نازاروۆ، الينا اسقاروۆا، ماقسات تولىقباي، الماسبەك سادىرباەۆ، داۋلەت مۇقاەۆ، ولجاس ورداباەۆ، يگور شاتسكي، لاۋرا ماليكوۆا، لياززات شىڭعىسباەۆا، جيگۋلي دايراباەۆ، عالىمبەك جاقسىلىقوۆ، اقمارال بەكمىرزاەۆا، نۇرلىبەك مالەلوۆ، عاني ابادان.

پىكىرلەر