“Adal” partııasy 12 saǵattyq úzilissiz tikeleı efır ótkizedi

1296

Qazaqstandaǵy parlamenttik saılaý tarıhynda tuńǵysh ret búgin depýtattyqqa úmitkerlerdiń 12 saǵattyq tikeleı efıri júrgizilýde.

 

«ADAL»  partııasy saılaý aldyndaǵy jarystyń sońǵy úgit kúnin osylaı ótkizedi.

«ADAL» partııasynyń Instagram men Feısbýktegi resmı paraqshalarynda, sondaı-aq Youtube-kanalynda úzilissiz tikeleı efır 8 qańtarda saǵat 12.00-den 23.59-ǵa deıin uıymdastyryldy. Osylaısha, tikeleı efır BAQ pen Internette kez-kelgen úgit materıaldaryn jarııalaýǵa tyıym salynǵan «tynyshtyq kúni» dep atalatyn kún bastalýǵa bir mınýt qalǵanda aıaqtalady.

Tikeleı efırdy Májilis depýtattyǵyna úmitkerler Maqsat Tolyqbaı, Dáýlet Muqaev, Oljas Ordabaev, Almasbek Sadyrbaev, Laýra Malıkova, Aqmaral Bekmurzaeva, Alına Asqarova jáne partııa ókilderi Nurlybek Muqanov, Anýar Kerembaev júrgizedi.

Úmitker Maqsat Tolyqbaı bizge tikeleı efır kezinde ne týraly aıtylǵanyn aıtyp berdi: «ADAL»-dan Májilis depýtattyǵyna 16 úmitker, sondaı-aq barlyq deńgeıdegi máslıhattarǵa 537 úmitker bir aıǵa jýyq ýaqyt boıy úgit-nasıhat jumystaryn júrgizdi. Bul eldiń 22 qalasy men 163 aýyldyq aımaǵynda 4918 kezdesýdi qamtydy. Kezdesýlerge 138856 azamat qatysty. Bizdiń, árıne, saılaýshylarmen aıtatyn jáne bólisetin nárselerimiz bar. Efırde partııanyń qundylyqtary, partııa baǵdarlamasynyń negizgi mindetteri týraly aıtamyz. Biz turǵyndardan kelip túsken suraqtarǵa jaýap berýge, ózekti máselelerdi talqylaýǵa erekshe nazar aýdaramyz».

Onyń aıtýynsha, el turǵyndary túrli suraqtar qoıyp, túrli ótinishter jasaıdy. - Bireý jalaqynyń azdyǵyna, turǵyn úıdiń joqtyǵyna, aýyz sýǵa jáne jumyssyzdyqqa shaǵymdanady. Al bireý bilim berýdi, densaýlyq saqtaýdy jaqsartý týraly aıtady.Kún saıyn biz azamattardyń partııaǵa kirýge degen umtylysy týraly ótinishter aǵymyn tirkeımiz: qalalar men aýyldarda ornalasqan 3000 qorapqa kezdesýlerdiń nátıjeleri boıynsha 177 myńnan astam ótinishter kelip tústi. 69 myńnan astam ótinish adalpartiyasy.kz saıtyna tústi. Nátıjesinde biz, partııa músheleri, 300 myńnan asyp kettik, - deıdi Maqsat Tolyqbaı.

Tikeleı efır spıkerleri atap ótkendeı, Qazaqstan halqy aıtqan tilekter partııanyń adalpartiyasy.kz saıtynda kórsetilgen ár aımaqtyń problemalyq máseleleriniń kórinisi bolyp tabylady

Munda olar qalalar men aýyldar boıynsha usynylǵan.Sonymen qatar, veb-saıtta siz eldegi ár eldi mekenniń bıýdjetin kóre alasyz.

 

 

Anyqtama

2013 jyly Qazaqstanda «Birlik» saıası partııasy quryldy. Partııa tóraǵasy Serik Sultanǵalı.

2020 jyldyń 5 qarashasynda «Birlik» óz ataýyn «ADAL» dep ózgertti (qaz. «Adal» - «adaldyq»).

Partııanyń saıası keńesiniń músheleri:

Serik Sultanǵalı, Eldar Jumaǵazıev, Ardaq Nazarov, Alına Asqarova, Maqsat Tolyqbaı, Almasbek Sadyrbaev, Dáýlet Muqaev, Oljas Ordabaev, Igor Shakıı, Laýra Malıkova, Lıazzat Shyńǵysbaeva, Jıgýlı Daırabaev, Ǵalymbek Jaqsylyqov, Aqmaral Bekmyrzaeva, Nurlybek Málelov, Ǵanı Abadan.

Pikirler
Redakııa tańdaýy