كەشە نۇر-سۇلتان قالاسىندا 20 بولمەلى جاتاقحانا ورتەندى. بۇل تۋرالى قالالىق تجد ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
«6 قاڭتاردا 20 ساعات 57 مينۋتتا نۇر-سۇلتان قالاسى تجد ءورت ءسوندىرۋ بولىمشەلەرى جەكە قۇرامنىڭ 22 ادامى جانە 4 بىرلىك تەحنيكاسى قۇرامىندا مەدەۋ كوشەسى، 24 مەكەن-جايى بويىنشا ءۇيدىڭ جانىپ جاتقانى تۋرالى كەلىپ تۇسكەن شاقىرۋعا شىقتى. ءورت سوندىرۋشىلەر كەلگەن بويدا جاتاقحانا رەتىندە جابدىقتالعان ءبىر قاباتتى مانساردالى 20 بولمەلى جەكە ءۇي جانىپ جاتقانى انىقتالدى. ءورت سالدارىنان توبە بولىگى وپىرىلىپ ءتۇستى»،-دەلىنگەن حابارلامادا.
ەلوردالىق ءورت سوندىرۋشىلەردىڭ جەدەل، كاسىبي ءىس-ارەكەتتەرىنىڭ ارقاسىندا ءورت 21 ساعات 24 مينۋتتا اۋىزدىقتالىپ، 21 ساعات 39 مينۋتتا تولىق سوندىرىلگەن. قازا بولعاندار مەن زارداپ شەككەندەر جوق. الدىن الا بولجام بويىنشا ءورتتىڭ اۋماعى 80 شارشى مەتردى قۇراعان.
«ادىرنا» ۇلتتىق پورتالى
