ەلباسى: روجدەستۆو ءبىزدىڭ ومىرىمىزگە رۋحاني بايلىق اكەلەدى

4132
Adyrna.kz Telegram

ەلباسى نۇرسۇلتان نازارباەۆ قازاقستاندىقتاردى روجدەستۆو مەرەكەسىمەن قۇتتىقتادى، دەپ حابارلايدى «ادىرنا» ءتىلشىسى تۇڭعىش پرەزيدەنتتىڭ رەسمي سايتىنا سىلتەمە جاساپ.

«پراۆوسلاۆ حريستياندارىن جانە بارلىق قازاقستاندىقتاردى شۋاقتى مەرەكە – روجدەستۆومەن شىن جۇرەكتەن قۇتتىقتايمىن!

بۇل مەيرام عاسىرلار بويى تاتۋلىق پەن ىزگىلىكتىڭ، سۇيىسپەنشىلىك پەن مەيىرىمدىلىكتىڭ سيمۆولى بولىپ كەلەدى. ونىڭ وزەگىندە زور جاسامپاز كۇش، ءۇمىت پەن ۇيلەسىم ۇيالاپ جاتىر.

قازاقستاندا اتاپ وتىلەتىن روجدەستۆو جانە باسقا دا ءدىني مەرەكەلەر ءبىزدىڭ ومىرىمىزگە وپتيميزم، رۋحاني بايلىق، تولەرانتتىلىق اكەلەدى. وسى كۇندەرى ادامنىڭ جۇرەگى ەڭ ىزگى سەزىمدەرگە تولىپ، مۇقتاجدارعا كومەكتەسۋگە، جاقىن جاندارعا قۋانىش سىيلاپ، قامقورلىق جاساۋعا دەگەن ىقىلاس ويانادى.

ماڭگىلىك رۋحاني قۇندىلىقتار ءبىزدىڭ ەلىمىزدەگى بارلىق دىندەر مەن ەتنوستار وكىلدەرىنىڭ باسىن بىرىكتىرىپ وتىر. ولار تاتۋلىقتىڭ، تۇراقتىلىق پەن بىرلىكتىڭ بەرىك نەگىزىنە اينالىپ، قازاقستاننىڭ قارقىندى دامۋىنا سەپتىگىن تيگىزۋدە.

وسى جارقىن مەرەكەدە بارشاعا باياندى باقىت، يگىلىك پەن مىقتى دەنساۋلىق تىلەيمىن!»،-دەدى ول.

«ادىرنا» ۇلتتىق پورتالى

پىكىرلەر