Elbasy Nursultan Nazarbaev qazaqstandyqtardy Rojdestvo merekesimen quttyqtady, dep habarlaıdy «Adyrna» tilshisi tuńǵysh Prezıdenttiń resmı saıtyna silteme jasap.
«Pravoslav hrıstıandaryn jáne barlyq qazaqstandyqtardy shýaqty mereke – Rojdestvomen shyn júrekten quttyqtaımyn!
Bul meıram ǵasyrlar boıy tatýlyq pen izgiliktiń, súıispenshilik pen meıirimdiliktiń sımvoly bolyp keledi. Onyń ózeginde zor jasampaz kúsh, úmit pen úılesim uıalap jatyr.
Qazaqstanda atap ótiletin Rojdestvo jáne basqa da dinı merekeler bizdiń ómirimizge optımızm, rýhanı baılyq, toleranttylyq ákeledi. Osy kúnderi adamnyń júregi eń izgi sezimderge tolyp, muqtajdarǵa kómektesýge, jaqyn jandarǵa qýanysh syılap, qamqorlyq jasaýǵa degen yqylas oıanady.
Máńgilik rýhanı qundylyqtar bizdiń elimizdegi barlyq dinder men etnostar ókilderiniń basyn biriktirip otyr. Olar tatýlyqtyń, turaqtylyq pen birliktiń berik negizine aınalyp, Qazaqstannyń qarqyndy damýyna septigin tıgizýde.
Osy jarqyn merekede barshaǵa baıandy baqyt, ıgilik pen myqty densaýlyq tileımin!»,-dedi ol.
«Adyrna» ulttyq portaly
