اقش-تىڭ قازىرگى پرەزيدەنتى دونالد ترامپتىڭ ارەكەتىنە قاتىستى رەسمي پىكىر ايتىلا باستادى، دەپ حابارلايدى «ادىرنا» ۇلتتىق پورتالى ريا-نوۆوستي اگەنتتىگىنە سىلتەمە جاساپ.
اقش پرەزيدەنتى دونالد ترامپ ەلگە قاۋىپ توندىرەدى جانە ونى دەرەۋ قىزمەتىنەن بوساتۋ كەرەك، دەيدى يللينويس شتاتىنىڭ دەموكراتيالىق گۋبەرناتورى دجەي روبەرت پريتسكەر.
"مەنىڭ ويىمشا، ونىڭ توڭكەرىس جاساۋعا ىقپال ەتۋ ارەكەتى ءبىزدىڭ دەموكراتيامىزعا، كونستيتۋتسياعا جانە بارلىق امەريكاندىقتارعا وپاسىزدىق جاسايتىنىنا كۇمان جوق. بۇل ءبىزدىڭ ەلىمىز ءۇشىن قاۋىپتى. وعان يمپيچمەنت جاريالانىپ، دەرەۋ قىزمەتىنەن بوساتىلۋى كەرەك", - دەدى پريتسكەر مالىمدەمەسىندە.
سارسەنبىدە ۆاشينگتوندا ونى قولداۋ ءۇشىن دەمونستراتسياعا جينالعان اقش-تىڭ قازىرگى پرەزيدەنتى دونالد ترامپتىڭ جاقتاستارى كونگرەسس عيماراتىنا شابۋىل جاساپ، وتكەن سايلاۋدىڭ ناتيجەلەرىن ماقۇلدايتىن جينالىستى توقتاتتى. وتكەن داۋىس بەرۋ ناتيجەسىندە سايلانعان پرەزيدەنت دەموكرات دجو بايدەن بولىپ سانالادى، بىراق ترامپ جەڭىلىستى مويىندامايدى.
