مەن ونى ءوزىم ءۇشىن بىلاي ايقىندادىم:
ۋاقىت ءۇزىلىسسىز، قايتارىمسىز، ارالارى كوز شالىپ ۇلگەرمەيتىن “وسى ءسات” دەگەن زاماتپەن بولىنگەن، ورىن العان دۇنيەدەن الدا كۇتىپ تۇرعان دۇنيەگە قاراي سىزىقتىق اۋىسىم.
⠀
ال ءسىز ۋاقىتتىڭ ەڭ قىمبات جانە ومىرىڭىزگە ىقپال ەتەتىن قانداي سيپاتتارىن بىلەسىز؟
⠀
ۋاقىتتىڭ ەكى سيپاتى.
ەجەلگى گرەكتەردىڭ ۋاقىتتى بەلگىلەيتىن ەكى ءسوزى بولىپتى: حرونوس جانە كايروس.
حرونوس - بۇل ءبىزدىڭ ۋاقىتىمىزدى، ياكي، ءومىرىمىزدى تاسپا رەتىندە ساناپ وتىراتىن ۋاقىت قۇدايى.
ال كايروس ءسوزى كۇتپەگەن، ورايلى ءسات دەگەن ۇعىمدى بىلدىرەدى ەكەن.
ياعني، حرونوس ۋاقىتتىڭ ساندىق سيپاتىن كورسەتسە، كايروس - ساپالىق.
⠀
ءبىر قىزىعى، ءسىز ۋاقىتتىڭ ساندىق سيپاتىنا ەش اسەر ەتە المايسىز.
⠀
حرونوس رياسىز، ەشكىمگە ىقىلاس تانىتپاي، بارىنە بىردەي قارايدى. ۋاقىت بارلىق ادام ءۇشىن بىردەي جۇرەدى، ءبارىنىڭ تاۋلىگى 24 ساعاتتان تۇرادى. سوندىقتان، تايم مەنەدجمەنت تۋرالى ايتۋ - بارىپ تۇرعان اقىماقتىق. شىنداپ كەلگەندە، تايم مەنەدجمەنت - بۇل ۋاقىت بىرلىگىندە ورىندالاتىن جۇمىس سانىن ارتتىرۋ ارەكەتى.
مۇنى Action management نەمەسە ىستەردى باسقارۋ دەپ اتاساق دۇرىسىراق بولار ەدى.
⠀
كايروسپەن ماسەلە باسقاشا. كايروس ءوز ۋاقىتىڭىزدى ساپالى قولدانۋىڭىز ءۇشىن مۇمكىندىك بەرەدى. ءار ادامنىڭ ءوز كايروسى بار. ءبىز باسقارا الاتىن جانە وزىمىزگە بارىنشا پايدالى ەتىپ، شاتتىق سەزىمىنە بولەنە الاتىن جالعىز عانا ءسات بار ول - وسى ءسات.
كايروس “وسى ساتتە” ءومىر سۇرەدى.
⠀
ال ءسىز ءوز كايروسىڭىزدى بارىنشا جوعارى دەڭگەيگە جەتكىزۋ ءۇشىن نە ىستەۋ كەرەك ەكەنىن بىلەسىز بە؟
تەك قانا ماڭىزدى ىستەرمەن اينالىسۋ كەرەك.
وزىڭىزگە سۇراق قويىڭىز.
ەگەر قازىر مەنىڭ ءبىر عانا ىسپەن اينالىسۋ مۇمكىندىگىم بولسا، ول قانداي ءىس بولار ەدى؟
جانە ەكىنشى سۇراق.
ەگەر بۇل مەنىڭ ءومىرىمنىڭ سوڭعى كۇنى بولسا، ونى قالاي وتكىزەر ەدىم؟
مىنەكەي، سول ءۇشىن دە ءومىرىڭىزدىڭ ءار ساتىنەن لياززات الا ءبىلىڭىز. اقىر سوڭىندا، ءومىرىڭىزدىڭ ساپاسى حرونوسىڭىزدىڭ سانىمەن ەمەس، ءسىز قولدانا بىلگەن كايروسىڭىزدىڭ سانىمەن انىقتالادى.
جاڭا جىلدا كايروستارىڭىزدىڭ كوبىرەك بولۋىن تىلەيمىن!
مارعۇلان سەيسەمباي
