Men ony ózim úshin bylaı aıqyndadym:
Ýaqyt úzilissiz, qaıtarymsyz, aralary kóz shalyp úlgermeıtin “osy sát” degen zamatpen bólingen, oryn alǵan dúnıeden alda kútip turǵan dúnıege qaraı syzyqtyq aýysym.
⠀
Al siz ýaqyttyń eń qymbat jáne ómirińizge yqpal etetin qandaı sıpattaryn bilesiz?
⠀
Ýaqyttyń eki sıpaty.
Ejelgi grekterdiń ýaqytty belgileıtin eki sózi bolypty: Hronos jáne Kaıros.
Hronos - bul bizdiń ýaqytymyzdy, ıakı, ómirimizdi taspa retinde sanap otyratyn ýaqyt qudaıy.
Al Kaıros sózi kútpegen, oraıly sát degen uǵymdy bildiredi eken.
Iaǵnı, Hronos ýaqyttyń sandyq sıpatyn kórsetse, Kaıros - sapalyq.
⠀
Bir qyzyǵy, siz ýaqyttyń sandyq sıpatyna esh áser ete almaısyz.
⠀
Hronos rııasyz, eshkimge yqylas tanytpaı, bárine birdeı qaraıdy. Ýaqyt barlyq adam úshin birdeı júredi, báriniń táýligi 24 saǵattan turady. Sondyqtan, Taım menedjment týraly aıtý - baryp turǵan aqymaqtyq. Shyndap kelgende, taım menedjment - bul ýaqyt birliginde oryndalatyn jumys sanyn arttyrý áreketi.
Muny Action management nemese isterdi basqarý dep atasaq durysyraq bolar edi.
⠀
Kaırospen másele basqasha. Kaıros óz ýaqytyńyzdy sapaly qoldanýyńyz úshin múmkindik beredi. Ár adamnyń óz Kaırosy bar. Biz basqara alatyn jáne ózimizge barynsha paıdaly etip, shattyq sezimine bólene alatyn jalǵyz ǵana sát bar ol - OSY SÁT.
Kaıros “osy sátte” ómir súredi.
⠀
Al siz óz Kaırosyńyzdy barynsha joǵary deńgeıge jetkizý úshin ne isteý kerek ekenin bilesiz be?
Tek qana mańyzdy istermen aınalysý kerek.
Ózińizge suraq qoıyńyz.
Eger qazir meniń bir ǵana ispen aınalysý múmkindigim bolsa, ol qandaı is bolar edi?
Jáne ekinshi suraq.
Eger bul meniń ómirimniń sońǵy kúni bolsa, ony qalaı ótkizer edim?
Minekeı, sol úshin de ómirińizdiń ár sátinen lıazzat ala bilińiz. Aqyr sońynda, ómirińizdiń sapasy Hronosyńyzdyń sanymen emes, siz qoldana bilgen Kaırosyńyzdyń sanymen anyqtalady.
Jańa jylda Kaırostaryńyzdyń kóbirek bolýyn tileımin!
Marǵulan Seısembaı
