بۇۇ-عا رەسەيدىڭ «نود» قوزعالىسىن تەرروريستىك-ەكسترەميستىك قوزعالىس دەپ تانۋ تۋرالى حات جولداۋ ارقىلى ءبارىنىڭ اۋزىنا قۇم قۇيۋعا بولادى! نە ءۇشىن مۇنداي تالاپ قويىپ وتىرعانىمدى تومەندە ءتۇسىندىرىپ وتەيىن.
مەن ءۇشىن رەسەيدىڭ شوۆينيستتەرىنىڭ ماقساتتار بەلگىلى بولعانىمەن، ولاردى وسى جولعا قوزعاۋشى كۇشتەرى قانداي تۇسىنىكتەن تۋىنداپ جاتقانىن تۇسىنە الماي كەلگەنمىن.
نود قوزعالىسىنىڭ اتاۋىن تىكەلەي اۋدارساق، ۇلت(تىق) ازاتتىق قوزعالىس بولادى. ياعني، ورىس ۇلتىن ازات ەتۋ ءۇشىن قۇرىلعان قوزعالىس.
وسى جەردەن ءبىرىنشى سۇراق تۋىندايدى.
ورىس ۇلتىن بىرەۋلەر تىكەلەي جاۋلاپ العانىن ازىرگە ەستىگەن جوقپىز. ءوز ەلدەرىندە ولاردىڭ مادەني، تىلدىك ت.ت. دامۋلارىنا ەشقانداي قىسىم جاسالىپ جاتقان جوق.
سوندا، بۇل ۇيىم ورىستاردى كىمدەردەن ازات ەتپەكشى؟
ءوز ەلدەرىندە ونداي قىسىم بولىپ جاتقان جوق بولسا، دەمەك وزگە تاۋەلسىز ەلدەردەگى ورىس ۇلتىن "ازات ەتۋ" ءۇشىن قۇرىلعان دەۋگە تولىق نەگىز بار.
ەندى، وزگە ەلدەردەگى ورىس ۇلتىن قالاي "ازات" ەتپەكشى؟ وزگە ەلدەردەگى ورىس ۇلتىن ءوز ەلدەرىنە كوشىرىپ الماقشى ما؟
جوق!
ويلارى مۇلدەم باسقا ەكەن.
وزگە ەلدەردەگى ورىس ۇلتىن سول مەملەكەتتىڭ قۇزىرەتىنەن، زاڭدارىنان، سول مەملەكەتتىڭ تەرريتورياسىندا قۇتقارماقشى ەكەن. بۇل ويلارىن اشىق ايتىپ تا ءجۇر. بۇل ارينە وزگە ەلدىڭ تۇتاستىعىنا، دەربەستىگىنە ۇلكەن قاۋىپ. ءارى، بۇلاي ەتۋ ۇلكەن حالىقارالىق قىلمىس بولىپ ەسەپتەلەدى. مۇنى ولاردىڭ وزدەرى دە بىلەدى. بىلايعى قارا حالقى دا بىلەدى.
بىراق، ولاردىڭ وسى پيعىلدارىن ەڭ الدىمەن ءوز حالقىنىڭ الدىندا اقتاپ، ءارى جاقتاستارىن مولايتۋ ءۇشىن ءۇشىن، "وتان دەگەنىمىز نە؟" دەگەن سۇراققا ءوز تۇسىنىكتەرىن تىقپالاپ ءتۇسىندىرىپ، سول تۇسىنىكتەرىن باستى قارۋلارى ەتپەك.
ەڭ اۋەلى "ازات ەتۋ قوزعالىسى" دەگەننىڭ وزىنە باعا بەرىپ الساق.
تاريحقا كوز جۇگىرتسەك، تالاي ۇلت ازاتتىق قوزعالىستار مەن سوعىستاردىڭ بولعانىن بىلەمىز. الىسقا بارماي-اق وتكەن عاسىردىڭ باس جاعىنداعى قازاق دالاسىندا ۇلت ازاتتىق سوعىستار مەن قوزعالىستار بولدى.
ءدال وسى كەزەڭدە رەسەيدە دە وسىنداي قۇبىلىستار ورىن الىپ جاتتى.
بىزدە بۇل قوزعالىستاردىڭ ماقساتى ۇلتىمىزدى رەسەي يمپەرياسىنىڭ شەڭگەلىنەن قۇتقارۋ سيپاتىندا بولسا، رەسەيدە بۇل كەرىسىنشە "رەسەيدى رەسەي يمپەراتورى باسقارعان ۇكىمەتى مەن كاپيتاليستتىك-فەودالدىق جۇيەسىنەن ازات ەتۋ" سيپاتىندا بولدى.
ياعني، رەسەيدىڭ كەدەي-شارۋالاردان قۇرالعان قارا حالقى وزدەرىن ءماجبۇرلى تۇردە قاناپ كەلگەن، وزدەرىن تۇرمەدەگىدەي ۇستاپ كەلگەن پاتشالى جۇيەدەن ازات ەتتى. مەن نەلىكتەن "جۇيەدەن ازات ەتتى" دەپ وتىرمىن. ويتكەنى، ول جۇيەنى باسقارۋشىلارىنىڭ دەنى (تۇگەلگە جۋىق دەسەكتە بولادى) ورىس ۇلتىنا ەشقانداي قاتىسى جوق نەمىس، فرانسۋز، اعىلشىن، ەۆرەي، پولياك ت.ت. ۇلتتارىنىڭ ازاماتتارى مەن بايلارى بولاتىن. يمپەراتورىنان باستاپ بارلىق اقسۇيەكتەرى رەسەي يمپەرياسىن ۇلكەن ءبىر كورپوراتسيا سەكىلدى باسقاردى. ءبارى اقسۇيەكتەرىنىڭ مەنشىگىندە بولىپ، قارا حالقىنىڭ قولىندا ەشتەڭە جوق، ءتىپتى "مەنىڭ وتانىم" دەگەن تۇسىنىك تە بولعان ەمەس. سوندىقتان، لەنين كەلىپ "جەر شارۋالارعا، زاۆودتار حالىققا!" دەپ ۇران سالعاندا، حالقى كوتەرىلىپ يمپەراتورلارىنان باستاپ وزدەرىن قاناپ وتىرعان كاپيتاليستتىك-فەودالدىق جۇيەسىنەن وزدەرىن ازات ەتتى.
مىنە!
تەك وسىدان كەيىن عانا ورىس حالقىندا "وتانىم، مەنىڭكى" دەگەن تۇسىنىك قالىپتاسا باستادى.
وزدەرىن قۇلدىقتا ۇستاپ كەلگەن يمپەراتور اۋلەتى مەن اقسۇيەكتەرىنە دەگەن وشىككەندەرى سونشالىق، بالا-شاعا، قىزمەتكەرلەرى، تۇقىمدارىن قالدىرماي كوزدەرىن جويدى.
ياعني، قازىرگى رەسەي حالقى دا بىزدەر سياقتى رەسەي يمپەريالىق جۇيەسىنەن ازاتتىق الدى. ورىس، ۋكراين، پولياك، فيندەر، قازاق، قىرعىز، وزبەكتەر ءبارىمىز بىردەي رەسەي يمپەرياسىنان ازاتتىق الدىق.
تەك سودان كەيىن عانا بىزدەر دەربەس ۇلتتار بولىپ سسسر دەگەن وداقتىڭ قۇرامىنا قايتا بىرىكتىك.
ۇلى وتان دەگەن تۇسىنىك سودان كەيىن عانا پايدا بولىپ، ەكىنشى ءدۇن.ءجۇز.سوعىستى "ۇلى وتان سوعىسى" دەپ اتالدى. ال، ءبىرىنشى دجس-تى ورىستاردىڭ "ۇلى وتان سوعىسى" دەگەن بىردە-ءبىر جازبا كەزدەستىرە المايسىز.
ويتكەنى، وتان دەگەن تۇسىنىك ول كەزدە ولاردا بولماعان. تەك "رەسەي يمپەرياسى" مەن "قۇداي بيلەۋشىمىزدى ساقتايكور" دەگەن قۇلدىق تۇسىنىكتەرى بولعان.
ورىس ۇلتىن ۇلت رەتىندە قالىپتاستىرعان وسى كەڭەستەر وداعى دەۋگە دە بولادى. قازىرگى ورىستار ۇلتى ارىداعى رەسەي يمپەرياسىنىڭ مۇراگەرىمىز دەگەن ءسوزدى ايتۋعا حاقىلارى دا جوق.
ەگەردە، ولار ونداي ءسوز ايتىپ وزگەلەردىڭ قازىرگى جەرلەرىن داۋلاعىسى بولسا، وندا ولاردىڭ بۇل سوزدەرىنىڭ سالماعى بىزدەردىڭ "شىڭعىسقان يمپەرياسىنىڭ مۇراگەرىمىز، ۇلى تۇركى قاعاناتىنىڭ مۇراگەرىمىز" دەپ وزگەلەردىڭ قازىرگى تەرريتورياسىنا جەرلەرىن سۇراۋىمىزداي، ميعا سيمايتىن اقىماقتىق تۇسىنىك بولىپ كۇلكى شاقىرار ەدى. ءدال سولاي نود-تىڭ ورىستار رەسەي يمپەرياسىنىڭ مۇراگەرىمىز دەپ جار سالۋى وتە كۇلكىلى جاعداي. قازىرگى رەسەي مەملەكەتى تەك سسسر-ءدىڭ عانا بىزدەرمەن تەڭ دارەجەلى مۇراگەرى. ەشقاندايدا رەسەي يمپەرياسىنىڭ مۇراگەرى ەمەس.
ەندى، سول ورىس ۇلتى دا بىزدەر سەكىلدى سسسر-دەن بىردەي ءبولىندى. ءتىپتى بىزدەر سوڭعى بولىپ شىقتىق بۇل وداقتان.
ولاردىڭ(نود) تۇسىنىگىندە "وتان دەگەنىمىز ءبىر كەزدەرى ورىس ساربازدارىنىڭ تابانى ءتيىپ، تاريحتا قالعان رەسەي يمپەرياسىنىڭ قۇرامىنا كىرگەن جەرلەردىڭ بارلىعى وزدەرىنىڭ وتانى" بولىپ تابىلادى ەكەن.
دەمەك، باستى ماقساتتارى رەسەيگە كورشى قازىرگى تاۋەلسىز، ءوز شەكاراسى مەن زاڭدارى، مەملەكەتتىك رامىزدەرى مەن سترۋكتۋرالارى بار دەربەس مەملەكەتتەردىڭ ىشكى ءىسى مەن تۇتاستىعىنا تىكەلەي قاۋىپ توندىرەتىن تەروريستتىك-ەكسترەميستىك قوزعالىس.
سوندىقتان، ونداي قيالعا بەرىلىپ، وزگە كورشىلەرىنە " رەسەي يمپەرياسىنىڭ مۇراگەرى ءبىز. ورىس سولداتىنىڭ تابانى تيگەن جەرلەردىڭ ءبارى ءبىزدىڭ وتانىمىز. ونى قورعاۋ ءبىزدىڭ بورىشىمىز" دەپ ەسەپتەيتىن، جانە وسىنداي تۇسىنىكتەرىمەن كورشىلەردىڭ مەملەكەتتىگىنە تىكەلەي قاۋىپ توندىرەتىن قوزعالىستاردى ءوز ەلىمىزدە تەروريستىك-ەكسترەميستىك ۇيىم دەپ تانىلۋىن تالاپ ەتەمىن!
سودان كەيىن رەسەي ەلىنەن تارالاتىن وسى قوزعالىستى تەرروتيستىك-ەكسترەميستىك ۇيىم دەپ تانۋ تۋرالى بۇۇ-نا تالاپ تاستاۋىمىز كەرەك.
وسى تالابىمىز قاناعاتتاندىرىلىپ، وسى قوزعالىس تەرروريستىك-ەكسترەميستىك قوزعالىس دەپ تانىلسا، وندا رەسەي ۇكىمەتى وسى قوزعالىستى قولداعان كۇنى وزدەرى دە تەرروتيستەردى قولداۋشى ەل رەتىندە بۇۇ مەن ءارتۇرلى كەلىسىمدەرمەن بايلانىپ وتىرعان وداقتارىنان كەرى رەاكتسياسىنا ۇشىرايتىن بولادى.
سوندىقتان، مۇنداي ويعا باراردا جەتى رەت ويلاناتىن بولادى.
