جاڭا پلاتفورما جۇمىسىن باستادى

3247
Adyrna.kz Telegram

قازنەتتە قولدانىستاعى نورماتيۆتىك قۇقىقتىق اكتىلەر مەن زاڭ جوبالارىن تالقىلايتىن جاڭا پلاتفورما اشىلدى. يدەيا اۆتورى KAZGUU ۋنيۆەرسيتەتىنىڭ ايتۋىنشا، www.kodeks.kz سايتى  عىلىمي پىكىرتالاس ءۇشىن قۇرىلعان.  زاڭگەرلەر عانا ەمەس، كەز-كەلگەن ازامات، باق وكىلى مەن مۇددەلى تۇلعالار دا نقا جوباسىنىڭ ناقتى ەرەجەلەرى مەن نورمالارىن تالقىلاۋعا قاتىسۋعا مۇمكىندىك الىپ وتىر.

«ۇيىمدار مەن جەكە تۇلعالار ءۇشىن تەگىن بولىپ تابىلاتىن پلاتفورما ءبىزدىڭ ءوز قاراجاتىمىزدىڭ ەسەبىنەن قۇرىلدى. كونتەنتى پروفەسسور-وقىتۋشىلار قۇرامىنىڭ زەرتتەۋ ناتيجەسىمەن ۇنەمى قازاق جانە ورىس تىلدەرىندە تولىعىپ وتىرادى»,- دەدى ءبىلىم جانە عىلىم مينيسترلىگىنە قاراستى ADAL BILIM جوبالىق كەڭسەسىنىڭ تىكەلەي ەفيرىندە KAZGUU ۋنيۆەرسيتەتىنىڭ پروۆوستى سەرگەي پەن.

قازىرگى ۋاقىتتا كەز كەلگەن ۇيىمعا وزىنە بەكىتىلگەن نورماتيۆتىك قۇقىقتىق اكتىلەردى باسقارۋعا جانە رەداكتسيالاۋعا مۇمكىندىك بەردىك. ناتيجەسىندە قر كونستيتۋتسياسىن عانا ەمەس، كودەكستەرى مەن زاڭدارىن  تالقىلاۋعا مۇمكىندىك تۋدى.  قازاقستان رەسپۋبليكاسى جوعارعى سوتىنىڭ نورماتيۆتىك قاۋلىلارىنىڭ جوبالارىن تالقىلاۋ جوسپارلانۋدا.

«قازاقستان رەسپۋبليكاسىنىڭ جوعارعى سوتى جانىندا عىلىمي-كونسۋلتاتيۆتىك كەڭەس جۇمىس ىستەيدى. بۇل پلاتفورما عىلىمي كەڭەستىڭ مۇشەلىگىنە كىرمەيتىن  باسقا دا عالىمداردىڭ پىكىرىن ەسكەرۋگە مۇمكىندىك بەرەدى. سوت قىزمەتىندە زاڭگەر عالىمداردىڭ عانا ەمەس، قاراپايىم حالىقتىڭ پىكىرى دە ماڭىزدى. ەگەر قازاقستاننىڭ كەز كەلگەن ازاماتى ءوز پىكىرىن دالەلدى تۇردە باياندايتىن بولسا، وندا ونىڭ ۇسىنىسىن ءوز جۇمىسىمىزدا قولدانا الامىز. قازىر سۋديالارعا قاتىستى سىن كوپ. Kodeks.kz وسى سىن-ەسكەرتپەلەردى  كاسىبي ديالوگ اياسىندا قاراستىرا الامىز», - دەدى قازاقستان رەسپۋبليكاسى جوعارعى سوتى اپپاراتىنىڭ ءبولىممەڭگەرۋشىسى داۋرەن ەڭسەباەۆ.

«ادىرنا» ۇلتتىق پورتالى

پىكىرلەر