Qaznette qoldanystaǵy normatıvtik quqyqtyq aktiler men zań jobalaryn talqylaıtyn jańa platforma ashyldy. Ideıa avtory KAZGUU Ýnıversıtetiniń aıtýynsha, www.kodeks.kz saıty ǵylymı pikirtalas úshin qurylǵan. Zańgerler ǵana emes, kez-kelgen azamat, BAQ ókili men múddeli tulǵalar da NQA jobasynyń naqty erejeleri men normalaryn talqylaýǵa qatysýǵa múmkindik alyp otyr.
«Uıymdar men jeke tulǵalar úshin tegin bolyp tabylatyn platforma bizdiń óz qarajatymyzdyń esebinen quryldy. Kontenti professor-oqytýshylar quramynyń zertteý nátıjesimen únemi qazaq jáne orys tilderinde tolyǵyp otyrady»,- dedi Bilim jáne ǵylym mınıstrligine qarasty ADAL BILIM jobalyq keńsesiniń tikeleı efırinde KAZGUU Ýnıversıtetiniń Provosty Sergeı Pen.
Qazirgi ýaqytta kez kelgen uıymǵa ózine bekitilgen Normatıvtik quqyqtyq aktilerdi basqarýǵa jáne redakııalaýǵa múmkindik berdik. Nátıjesinde QR Konstıtýııasyn ǵana emes, Kodeksteri men zańdaryn talqylaýǵa múmkindik týdy. Qazaqstan Respýblıkasy Joǵarǵy Sotynyń normatıvtik qaýlylarynyń jobalaryn talqylaý josparlanýda.
«Qazaqstan Respýblıkasynyń Joǵarǵy soty janynda Ǵylymı-konsýltatıvtik keńes jumys isteıdi. Bul platforma ǵylymı keńestiń músheligine kirmeıtin basqa da ǵalymdardyń pikirin eskerýge múmkindik beredi. Sot qyzmetinde zańger ǵalymdardyń ǵana emes, qarapaıym halyqtyń pikiri de mańyzdy. Eger Qazaqstannyń kez kelgen azamaty óz pikirin dáleldi túrde baıandaıtyn bolsa, onda onyń usynysyn óz jumysymyzda qoldana alamyz. Qazir sýdıalarǵa qatysty syn kóp. Kodeks.kz osy syn-eskertpelerdi kásibı dıalog aıasynda qarastyra alamyz», - dedi Qazaqstan Respýblıkasy Joǵarǵy Soty Apparatynyń bólimmeńgerýshisi Dáýren Eńsebaev.
«Adyrna» ulttyq portaly
