"الەم حانىمى – 2020" اتانعان جۇلدىز ابدىكارىموۆاعا بايقاۋدىڭ لەنتاسى مەن ءتاجى رەسمي تۇردە تابىستالدى، دەپ حابارلايدى «ادىرنا» ۇلتتىق پورتالى Sputnik قازاقستانعا سىلتەمە جاساپ.
ەلوردامىز نۇر-سۇلتان قالاسىندا جۇلدىز ابدىكارىموۆاعا "الەم حانىمى-2020" بايقاۋىنىڭ ءتاجى مەن لەنتاسى رەسمي تۇردە تابىستالدى. ولاردى ۇيىمداستىرۋشىلار بولگاريادان پوشتامەن جىبەرگەن.
"24 جەلتوقسان سوڭعى داۋىس بەرۋ كۇنى بولدى. ال 23 جەلتوقساندا ولار ماعان حابارلاسىپ، پوشتامەن ءتاج بەن لەنتانى جىبەرىپ جاتىرمىز دەدى. ءبىر كۇن بۇرىن جونەلتتى. ويتكەنى ولار دا، ءبىز دە جۇلدىزدى ەشكىم باسىپ وزا المايتىنىن ءتۇسىنىپ وتىرمىز", - دەدى بايقاۋدىڭ قازاقستانداعى رەسمي وكىلى اراي ءالىمحان.جۇلدىز ابدىكارىموۆا "الەم حانىمى" اتانعانىن ەندى عانا سەزىنگەنىن العا تارتىپ، قازىرگى كەزدە قانداي كۇيدە جۇرگەنىن ايتتى.
"قاسىمداعى قىزداردىڭ ءبارى وسى ۋاقىتقا دەيىن قانداي سەزىمدەسىڭ دەپ سۇراپ جاتىر. شىنى كەرەك، مەن وسى ۋاقىتقا دەيىن تولقىپ ءجۇردىم. سەزىنبەدىم. باسىمدا ول كەزدە ءتاج بولمادى. جالپى "الەم حانىمى" دەگەن اتاق العانداردى ساحنادا كورىپ جاتامىز. رەسمي تۇردە تابىستاعانىن ەندى سەزىندىم", - دەدى ول. ايتا كەتەيىك، بيىل "الەم حانىمى-2020" سۇلۋلىق بايقاۋىنا الەمنىڭ تۇكپىر-تۇكپىرىنەن 86 ادەمى كەلىنشەك قاتىستى. قازاقستان نامىسىن قورعاعان قايرات نۇرتاستىڭ جارى جۇلدىز ابدىكارىموۆا ولاردىڭ اراسىندا توپ جارىپ، كونكۋرستىڭ گران ءپريىن يەلەندى.
سونىمەن قاتار، اتالمىش بايقاۋدا تاعى ءبىر قازاقستاندىق ارۋ باعىن سىنادى. ايانا سۇلتانبەكوۆا دوداعا قازاقستاننىڭ ەمەس، ورتا ازيانىڭ اتىنان قاتىسقان.
جۇلدىز ابدىكارىموۆا: «باسىمدا ءتاجىم بولمادى»
30.12.2020
2725
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз