قازاقستان پرەزيدەنتى قاسىم-جومارت توقاەۆ فرانتسۋز Le Figaro گازەتىنە ماقالا جازىپ، قازاقستان مەن فرانتسيا اراسىنداعى ىنتىماقتاستىقتىڭ نەگىزگى باعىتتارىن اتاپ ءوتتى، دەپ حابارلايدى “ادىرنا” ۇلتتىق پورتالى.
قازاقستاننىڭ حالىقارالىق ديپلوماتياداعى ءرولىن كەلتىرگەن توقاەۆتىڭ ماقالاسى "قازاقستان – فرانتسيا ءۇشىن ستراتەگيالىق جانە سەنىمدى سەرىكتەس" دەپ اتالادى.
اقپاراتقا سايكەس، بۇل پرەزيدەنتتىڭ پاريجگە تۇڭعىش رەت مەملەكەتتىك ساپارى بولعاندىقتان، وسىنداي ماقالا جاريالاعان.
ماقالادا توقاەۆ كليماتتىڭ وزگەرۋى جانە كوشى-قون سياقتى زاماناۋي جاھاندىق سىن-قاتەرلەردىڭ قاۋپىن اتاپ ءوتتى. پرەزيدەنت الەمدىك ارەنادا "ورتا دەرجاۆالاردىڭ" ءرولىن كۇشەيتۋگە نازار اۋداردى. ونىڭ ايتۋىنشا، قازاقستان تەڭگەرىمدى سىرتقى ساياساتتى ۇستانادى جانە بىتىمگەرشىلىك ۇدەرىستەرىن قولدايدى.
سونداي-اق، توقاەۆ قازاقستان مەن فرانتسيانىڭ سيرەك جەر مەتالدارىن ءوندىرۋ، "جاسىل" ەنەرگەتيكا جانە اتوم ونەركاسىبى سالاسىنداعى ىنتىماقتاستىققا مۇددەلى ەكەنىن اتاپ ءوتتى. ول قازاقستاندا اتوم ەلەكتر ستانتسياسىن سالۋ بويىنشا رەفەرەندۋم ەۋروپانىڭ ەنەرگەتيكالىق قاۋىپسىزدىگىن نىعايتۋعا مۇمكىندىكتەر اشاتىنىن باسا ايتتى. تاراپتار بۇل سالالاردى دامىتۋ ءۇشىن بىلتىر فرانتسيا پرەزيدەنتى ەممانۋەل ماكروننىڭ قازاقستانعا كەلگەنىن دە اتاپ ءوتتى.
ەسكە سالايىق، بىلتىر ەممانۋەل ماكرون قازاقستانعا مەملەكەتتىك ساپارمەن كەلگەن بولاتىن. وعان مەملەكەت باسشىسى ەكى قازاقى تازىنىڭ كۇشىگىن سىيلادى. ماكرون تازى كۇشىكتەرىنە جيۋل جانە جاننا دەگەن ەسىم بەرگەن ەدى.
ايتا كەتسەك، بۇعان دەيىن مەملەكەت باسشىسىنىڭ فرانتسياعا مەملەكەتتىك ساپارمەن بارعانى تۋرالى حابارلادىق.
