قازنەتتە ماقساتى - اۋماقتىق تۇتاستىقتى بۇزۋ جانە قازاقستاننىڭ تاۋەلسىزدىگىن جويۋ بولىپ تابىلاتىن بەلگىلى ءبىر نود ۇيىمىنىڭ بار ەكەندىگى تۋرالى حابارلاما پايدا بولدى. الەۋمەتتىك جەلىلەردىڭ حابارلاۋىنشا، ونىڭ باسشىسى رەسەي مەملەكەتتىك دۋماسىنىڭ دەپۋتاتى ەۆگەني فەدوروۆ، دەپ حابارلايدى «ادىرنا» ۇلتتىق پورتالى Tengrinews.kz-كە سىلتەمە جاساپ.
جەلى قولدانۋشىلارى نود ۇيىمىنىڭ اشىق جۇمىس ىستەپ، ءتىپتى قازاقستاندىقتار اراسىنان ۇيىمعا جاڭا مۇشەلەرىن قوسىپ، ولاردى الماتى مەن نۇر-سۇلتانداعى كەڭسەلەرىنە شاقىراتىندىعى تۋرالى حابارلادى. وسىعان وراي قالالىق پوليتسيا دەپارتامەنتى رەسمي مالىمدەمە جاسادى.
«بۇل اقپارات تەكسەرىلدى. جوعارىدا كورسەتىلگەن مەكەن-جاي بويىنشا جانە جالپى استانا اۋماعىندا نود دەپ اتالاتىن ۇيىمنىڭ شتاب-پاتەرى جوق.اقپارات جالعان، ال بۇل ۇيىمدا كورسەتىلگەن ادامدار قازاقستان ازاماتتارى ەمەس. ارانداتۋشىلىق ارەكەتتەرگە مويىنسۇنباۋىڭىزدى سۇرايمىز»،-دەلىنگەن حابارلامادا.
«ادىرنا» ۇلتتىق پورتالى
